Алексей Владимирович шачсь 1980 кизоня Алтайскяй краень Рубцовск ошса. 2001 кизоня шумордазе Россиянь МВД-нь Сибирскяй юридическяй институтть (Красноярск ошсь) «Юриспруденция» специальностьс коре.
Од вице-премьерть сембе трудовой биографияц сотф прокуратурань оргаттнень мархта. 2001 кизоня Алексей Ежов ушедсь работама Хакасия Республикань Черногорск ошень прокуратурань следователькс. 2016 кизоня путфоль Хакасия Республикань Абакан ошень прокурорти васенце заместителькс, 2017 кизоня — Абакан ошень прокуроркс, 2018 кизоня — Дагестан Республикань прокурорти заместителькс. 2019 кизоста сявомок 2023 кизоти самс работась Дагестан Республикань прокуроркс.
3 классонь юстициянь государственнай советни, генерал-майор. РФ-нь прокуратурань Почётнай работник, казьф Российскяй Федерациянь Генеральнай прокуратурать Благодарностенц мархта.
Рьвяяф, касфты кафта шабат