Мордовиянь Оцюнясь В.Д.Волков примась участия студенттнень еткса ПФО-нь Интеллектуальнай олимпиадать селгомаса

Еткшиста, 18 мартста, Мордовиянь Оцюнясь Владимир Волков примась участия «IQ ПФО» студенттнень еткса Приволжскяй федеральнай округонь Интеллектуальнай олимпиадать селгомаса, кона ульсь Культурань Республиканскяй дворецса.

«Омбоце кизось Саранскяйса етафневи «IQ ПФО» Интелектуальнай олимпиадась. Минь тиеськ семботь, штоба тинь тяса улеманте улель пользань кандыкс, - азозе Владимир Волков. – Важна, што наукати васенце аськолксонте аральхть кочкаф тевсонтт оцю кинь ушетксокс».

Республикаса лама тиендеви од ломанень движениять ширенц кирнеманкса. Миньцонк работай 40 лама од ломанень объединения. 20 киза ни работай интеллектуальнай творчествань клубсь, МР-нь Госсобраниять видеса од ломанень Общественнай палатась, студенческяй отряттне, эряфс етафневи «Од депутатонь школась» федеральнай проектсь. Виензакшни волонтерскяй движениясь, конань активистонза примсихть участия странань и миронь мероприятиятнень эса.»Лувондса, што тяфтама форумтнень эса аш сяськихть и сяськфт. Эсост участвондамась максси возможность содафтомс фкя-фкянь мархта, мумс од ялгат, полафтомс опытса лия региононь коллегатнень мархта, - поладозе Мордовиянь Оцюнясь. – Организатороньке старандасть няфтемс аф аньцек интеллектуальнай сообществать эряфонц, но и культурнайть».

ПФО-са РФ-нь Президентть полномочнай представителенц Михаил Бабичень лемста залса пуромфнень приветствондазень сонь заместителец Игорь Паньшин, кона азсь благодарностень валхт республикань руководствати и лична МР-нь Оцюняти В.Д.Волковонди.

«Минь спасибатам теенть лац ладяф учебнай васттнень, парста аноклаф бытовой условиятнень, козя культурнай программать инкса. Мордовиясь фалу ульсь и лядонды ПФО-нь ведущай региоттнень эзда фкякс», - мярьгсь Игорь Паньшин.

Интеллектуальнай турнирса тюрсь 210 ломанць ПФО-нь 14 регионцта. Олимпиадань окружной этапть программанц эса ульсь несколька направления: «Управленческие поединки», «Парламентские дебаты», «Что? Где? Когда?» налхкоматне, «Спортивное программирование», «Робототехника».

«IQ ПФО» - тя  общественнай од проект, кона кочкафоль 14 конкурснай работатнень еткста ПФО-нь Од ломанень советть мархта «iВолга – 2015» окружной форумса. Именна эста примафоль решения етафтомс эряфс тя проектть Мордовияса.

Сяськихне:

Общекоманднай зачетса инь цебярь результатонкса главнай призть сявозе Пермскяй краень командась, омбоце вастса – Мордовия Республикась, колмоце вастсь – Татарстан Республикать.

«Парламентские дебаты» номинацияса I вастть занязе Пермскяй краень командась, II вастсь – Саратовскяй областть, III вастса – Татарстан Республикась.

«Управленческие поединки» номинацияса I вастть занязе Вадим Руин (Мордовиясь), II вастсь – Ангелина Земцова (Мордовиясь), III вастса – Анна Косурина (Башкортостанць).

«Что? Где? Когда?» интеллектуальнай налхкомаса I вастть занязе Самарскяй областень командась, II вастса – Нижегородскяй областсь, III вастса – Пермскяй крайсь.

«Программирование» номинацияса I вастть занязе Саратовскяй областсь, II вастса – Пермскяй крайсь, III вастса – Татарстан Республикась.

«Робототехника» номинацияса призовой васттне явфтольхть тяфта: I вастса – Мордовия Республикась, II вастса – Пензенскяй областсь, III вастса – Татарстан Республикась.