Мордовиянь Оцюнясь васетькшнесь национальнай гвардиянь войскань Приволжскяй округть командующаенц мархта

Мордовиянь Оцюнясь 14 мартста етафтсь рабочай васедема национальнай гвардиянь войскань Приволжскяй округть командующаенц Александр Порядинонь мархта. Корхтафоль республикать территорияса безопасностть обеспечендаманц коряс марстонь работать колга.

Стане жа корхтамась мольфтевсь Мордовияса Росгвардиянь подразделениятнень ладямаснон колга. Республикань Оцюнясь Владимир Волков азозе, што ведомствась маластонь пингть получасы эсь зданиянц.

Рабочай васедемаса примасть участия национальнай гвардиянь войскань Приволжскяй округть командующаенц заместителенза Эдуард Чехов и Юрий Бурлаков, Мордовия Республикать эзга национальнай гвардиянь войскань Федеральнай службань отделонь начальниксь Виталий Разин, Мордовиянь Правительствать Председателенц заместителец Геннадий Комусов.

Мордовия Республикань Оцюнять Пресс-службац