Мордовиянь Оцюнясь васетькшнесь ёмла и средняй бизнесонь представительхнень мархта

Мордовиянь Оцюнясь васетькшнесь ёмла и средняй бизнесонь представительхнень мархта

Мордовияса касонды предпринимательхнень лувкссна. Бизнести коль сашендыхть од, активнай, социально ответственнай ломатть, а республикань Правительствась кирнесы синь ширеснон. «Малое и среднее предпринимательство» нацпроектть итогонзон колга корхтафоль 21 декабрьста Саранскяйса Торгово-промышленнай палатаса. Предпринимательхнень мархта васедемаса примась участия Мордовиянь Оцюнясь Артём Здунов, вице-премьерсь Наталья Таркаева, МР-нь экономикань, торговлянь и предпринимательствань министрть тевонзон тиендисна Иван Горин, «Мой бизнес» центрать руководителец Елена Калачина.

«кизоть минь шумордакшнесаськ цебярь результат мархта — ёмла и средняй предпринимательствань субъекттнень лувкссна касонды — эздост ни 23 тёжяньда лама. Касонды и самозанятай граждаттнень лувкссна», - китькстазе Артём Здунов.

Мордовиянь Оцюнясь спасибась бизнесонь представительхненди СВО-ть ширенц кирнеманкса. «Тиньфтомонт тейнек афоль сафтова. Сюконятама карксэземга боецоньконь и синь семьяснон эзда», - мярьгсь республикань руководительсь.

Экономикань, торговлянь и предпринимательствань министрть тевонзон тиендисна Иван Горин азондсь бизнесть ширень кирнемань инструменттнень колга.
Васедемаса максфоль вал од предпринимательхненди. Синь проектснон лангс шарфтсь мяль Мордовиянь Оцюнясь. Артём Здунов макссь поручения Наталья Таркаева лездомс ширеснон кирдемаса.

Мордовия Республикань Оцюнять пресс-службац