Республикань руководительсь сюконясь кочкафненди цебярь покодеманкса, регионтть социально-экономическяй касоманцты-виияманцты путфксонкса, а станя жа СВО-нь боецненди лездоманкса. «Ромодановосахар»-сь – градообразующай предприятия районтти, заводса ули активистонь пуромкс, кона фалу кочкси гуманитарнай груз землякснон лемс. Оцю лезкс максси предприятиять руководителец Александр Атласов. «Марнек Республикась максси лезкс, сюкпря лездоманкса», - мярьгсь Артём Здунов.
Тячи «Ромодановосахар» - Поволжьяса фкясь инь вии предприятиятнень эзда тя отраслять эса, сон сувси кемонь инь оцю предприятиянень ёткс марнек Россияса. 2023 кизоня тяса ульсь нолдаф 144 тежянь тонна сахар почф - тя 146% 2022 кизоть уровенц. Даже санкциянь пингть заводсь касфнесы экспортнай покодеманц. Ноляй тевс мрярошка од инвестиционнай проектт, синь колгаст азондсь предприятиять директороц Александр Атласов. 2023 кизоня инвестициянь объёмсь основной капиталти лиссь 612 млн. цалковай.
2022 кизоть январьста сявомок «Ромодановосахар» заводтть басаза ульсь панчф Мордовия Республикать территорияса васенце участкась, конац покоди кода исправительнай центра. Осужденнайхнень лемс строяф общежития, тяниень пингть тоса эряй 47 ломань. А марнек «Ромодановосахар» заводса покоди 800 ломань малава. Средняй ковонь получкась 2023 кизоня лиссь 53 тежянь цалковайда вельф, касомань темпсь арась 115%. Предприятиясь лезды покодихненди эрямавастонь рамама кизефксть мархта, тяса нолдаф заводской ипотека. Предприятиянь руководительсь азсь сюконяма валхт Республикань Оцюняти сембе ушедови тефнень эса кирдеманкса.
Артём Здунов китькстазе, што заводса тиф цебярь база, штоба сяда тов покодемс и тиемс лац задачатнень, конатнень путозень ингольнок Россиянь Президентсь Владимир Путин национальнай проекттнень и странать продовольственнай сетьмешинь ванфтомац потмоса. Регионтть Правительствац, кода мярьгсь регионтть руководителец, кармай сяда тов лездома предприятияти мезса эряви.
Васьфтемать песа Артём Здунов казсь Мордовиянь Оцюнянь Благодарственнай сёрмат предприятияса покоди аватненди достойнай цёрань-Отечествань аралаень касфтоманкса и СВО-нь участникненди гуманитарнай лездомать эса пуфксонкса.
Республика Мордовиянь Оцюнять пресс-службац