Мордовиянь Оцюнясь Владимир Волков етафтсь рабочай васедема Сбербанк ПАО-нь Волго-Вятскяй банкть председателенц Петр Колтыпинонь мархта

Мордовиянь Оцюнясь Владимир Волков етафтсь рабочай васедема Сбербанк ПАО-нь Волго-Вятскяй банкть председателенц Петр Колтыпинонь мархта

Республикань Кудса ульсь Мордовия Республикань Оцюнять Владимир Волковонь Сбарбанк ПАО-нь Волго-Вятскяй банкть председателенц Петр Колтыпинонь мархта рабочай васедемац, конань пингста корхтафоль промышленнай и аграрнай производстваса, регионца эряфть цебярьгофнеманкса водендаф инвестиционнай проекттнень эса сотрудничендамать колга.

Корхтамась мольфтевсь льготнай ипотечнай финансированиянь программать эряфс етафнеманц колга, тяконь лувксса кредитонь тя витть коряс процентнай ставкать кирьфтаманц квалма. Владимир Волков китькстазе, што регионць сявсь эсь лангозонза дополнительнай финансовай сталма ипотечнай кредиттнень коряс процентнай ставкать компенсациянц коряс (5 процентт), сяс мес тя максси возможность республикань эряйхненди рамамс эстеест од эряма васта, а строительнай сферась получай касондоманкса-вииякшнеманкса финансовай вливаният. Тянь ширде китькстафоль жилищнай строительствань предприятиятнень кредитованияснон коряс мероприятиятнень эряфс етафнемаснон эрявиксшисна.

Азфоль, што марстонь работать эса башка мяль шарфтови проекттнень кредитованияснонды, конат водендафт республикать социально-экономическяй виияфнеманкса, од рабочай вастонь панчсеманкса. Тяконь лувксса – емла и средняй предпринимательствань сфераса, велень хозяйстваса, оцю промышленнай производстваса, ЖКХ-са, научнай разработкаса.

Тяда башка, васедемаса корхтамась мольфтевсь безналичнай расчеттнень касфнемаснон колга. Касонды тянь вешфксоц Саранскяйть 2018 кизонь футболть коряс миронь чемпионатти анокламста. Мордовиянь Оцюнясь

Владимир Волков азсь мяль пуроптомс Сбербанкть мархта марстонь рабочай группа тя проектть эряфс етафнеманц коряс, сувафтомс тевс транспортса ардоманкса пандомань «Безналичный транспорт» автоматизированнай системать.

Петр Колтыпин китькстазе, што Сбербанкть ули интересоц региональнай правительствать мархта сотрудничендамаса и азсь мяль корхтамс кепотьф кизефкснень коряс сяда крхкаста.

Васедемаса примась участия МР-нь Правителствать Председателец Владимир Сушков.

Мордовия Республикань Оцюнять пресс-службац