Мордовиянь Оцюнясь Владимир Волков етафтсь рабочай васедемат Москуса.
Ульсь васедемац Россиянь Финансонь министерствань межбюджетнай отношениянь департаментть вятиенц Лариса Ерошкинать мархта. Корхтамась мольфтевсь республикати финансовай кизоть шумордаманкса лезксонь максомать колга. Тяконь лувксса корхтафоль 2018 кизонь футболть коряс миронь чемпионатти анокламань мероприятиятнень финансированияснон, а стане жа коммерческяй займатнень пандоманкса бюджетнай кредитонь получамать колга. Рабочай васедемаса примась участия МР-нь Правительствать Председателенц заместителец – финансонь министрсь Алексей Симонов.
Стане жа Владимир Волков васетькшнесь «Альфа-Банконь» директоронь Советть председателенц васенце заместителенц Олег Сысуевонь мархта, конань мархта корхтась республикать и банкать еткса сотрудничендамать виияфнеманц колга. Тяконь лувкссаа корхтамась мольфтевсь промышленностьса и велень хозяйстваса несколька проекттнень кредитовандамаснон колга.
Мордовия Республикань Оцюнять пресс-службац