Мордовиянь Оцюнясь Владимир Волков 17 мартста етафтсь рабочай васедемат Москуса.
Ульсь васедемац Российскяй Федерациянь строительствань и жилищно-коммунальнай хозяйствань министрть Михаил Менень мархта. Корхтафоль 2017 и 2018 кизотнень Мордовия Республикать строительнай программанзон эряфс етафнемаснон колга. Стане жа корхтамась мольфтевсь футболть коряс Миронь чемпионатонь объекттнень строямаснон колга.
2018 кизонь мировой футбольнай первенствати анокламась арась главнай темакс Мордовиянь Оцюнять Российскяй Федерациянь транспортонь министрть Максим Соколовонь мархта васедемасонза. Корхтафоль республикань транспортнай и дорожнай инфраструктурать виияфнемаснон колга.
Мордовия Республикань Оцюнять Пресс-службац