Мордовиянь Оцюнясь Владимир Волков 14 майста етафтсь совещания республикать социально-экономическяй виияфнеманц мархта сотф кизефкснень коряс. Совещанияса примасть участия государственнай властень исполнительнай органонь вятихне и муниципальнай райононь оцюнятне.
Фкя инь васенцекс корхтафоль 2018 кизонди республикать территорияса кеме бытовой ляткснень машфтомаснон коряс мероприятиятнень колга. Мордовиясь сувась «Чистая страна» приоритетнай проектть эряфс етафнеманцты. Проектсь кемокстаф Россиянь Правительствать мархта, и етась кеме бытовой ляткснень машфтомань од системас.
Владимир Волков китькстазе, што «карьхчень кизефксть» решандамац пяк эрявикс странаса и республикаса экологическяй обстановкать цебярьгофнеманкса. Лятфтасаськ, Мордовияса лама киза ни эряфс етафневи карьхчнень башка кочксемань системась.
Республикань Оцюнясь макссь поручения анокламс 2018 кизонди ляткснень машфтомаснон коряс мероприятиянь адреснай план.
Нинге фкя кизефкссь, кона ванфоль совещанияса, сотнефоль федеральнай и региональнай автомобильнай китнень, конат етайхть республикать территориява, придорожнай китьксснон нормативнай состоянияс вятемаснон мархта. Тяза стане жа сувсихть ки аймаконь сервисонь объекттне, рекламнай конструкциятне, электропередачань и связень линиятнень нажятькссна. Мордовиянь Оцюнясь мярьгсь тиемс порядка тя участкаса, тяконь лувксса футболть коряс миронь чемпионатти анокламатнень рамкаса.
Стане жа корхтафоль муниципальнай райоттнень доходснон касфнеманц колга.
Мордовия Республикань Оцюнять пресс-службац