Мордовиянь Оцюнясь Владимир Волков: «Ломаттненди эряви эсь пингстонза и лац-ряц азонкшнемс ширень кирдемань мератнень колга»

Мордовиянь Оцюнясь Владимир Волков: «Ломаттненди эряви эсь пингстонза и лац-ряц азонкшнемс ширень кирдемань мератнень колга»

10 июньцта Мордовия Республикань Оцюнясь Владимир Волков етафтсь рабочай совещания Отделениять – Мордовия Республикать эзга Россиянь Банконь Волго-Вятскяй ГУ-нь Национальнай банкть управляющаенц Алексей Колосковонь мархта. Корхтамась мольфтевсь населениять ширенц кирдеманкса мератнень колга, конатнень етафтсазь эряфс Россиянь Банксь марса Российскяй Федерациянь Правительствать мархта коронавирусонь пандемиять пингста.

Тяфта, корхтамась мольфтевсь кредитнай каникулатнень колга законть эряфс етафтоманц квалма, кона сувафтф тевс кафта ковда инголе. Тя законть мяльса кирдезь ломанти, кона кирди сталмот коронавируснай инфекциять сюнеда, максови отсрочка сявф кредитть коряс основной шумоть и проценттнень пандоманкса. Владимир Волков китькстазе, што граждаттненди эряви максомс сембе эрявикс лезксть документтнень анокламаса, конат макссихть права тя льготать лангс.

Стане жа Россиянь Банксь максы мерат, конат водендафт финансовай услугатнень доступнайшиснон и аф лоткафнемаснон обеспечендаманкса. 2020 кизонь1 июльть самс кувалгофтф пандомань банковскяй картатнень действиясна, конатнень аделавсь сроксна, тяка шити саф мяльс поладомс клиенттнень обслуживандамаснон, нльне эста, кда синь паспортснон аделавсь действиянь пингсна.

Россиянь Банксь кандозе лия пингс пенсионерхнень, конат получсесазь пенсияснон банковскяй картас, «Мир» картас етафтомаснон 2020 кизонь 1 июльста 1 октябрьс. Тяка пингть ванфневи возможностсь получсемс пенсиять наличкаса.

Мегарегуляторсь лафчептозе банкненди клиенттнень идентификацияснон коряс вешфкснень и касфтозе макссеви дистанционнай услугатнень лувксснон. Кепотьксонди, счетонь панжемста клиентть личнай улемац может аф эрявкстомс, кда панжемать целец – социальнай ширде оцю значениянь пандоматнень етафтомасна (алименттнень, пенсиятнень, стипендиятнень пандомасна). Кой-кона случайста ипотечнай кредиттнень оформляндамста Центральнай банксь мярьгсь банкненди 2020 кизонь 1 июльть самс панчсемс физическяй лицатненди счеттнень дистанционнайста.

Мордовиянь Оцюнясь китькстазе, што ломаттненди эряви эсь пингстонза и лац-ряц пачфнемс ширень кирдемань мератнень колга. «Важна, штоба ломаттне содалезь эсь праваснон и шарьхкотькшнелезь, кодама лезкс тест максови Правительствать и Банкть ширде», - мярьгсь Владимир Волков.

«Ситуациясь полафни эрь шиня. Россиянь Банксь фалу тиенди анализ примаф мератнень эффективностьснонды марса Российскяй Федерациянь Правительствать мархта аноклакшнихть дополнительнайхть, сявондемок мяльс сашенды предложениятнень», - мярьгсь Алексей Колосков.

 

Мордовия Республикань Оцюнять пресс-службац