26 сентябрьста Мордовиянь Оцюнясь Владимир Волков примась участия РФ-са региональнай развитиять коряс Правительственнай комиссиять заседанияса. Заседаниять вятезе Россиянь Правительствать Председателенц заместителец Дмитрий Козак.
Васенце кизефксть коряс – бюджетнай кредиттнень коряс Росийскяй Федерациянь субъектонь бюджеттнень шумоснон реструктуризацияснон колга - доклад тись Россиянь финансонь министрсь Антон Силуанов. Стане жа заседанияса корхтамась мольфтевсь 2018 кизоня федеральнай бюджетста межбюджетнай трансферттнень максомаснон колга.
Лятфасаськ, региональнай финанснень мархта сотф тефнень петемаснон коряс задачать путозе Россиянь Президентсь Владимир Путин Государственнай Советть президиумонц заседанияса.
2018 кизонь 1 январьста сявомок Россияса ушедсы работанц пуроптф бюджетнай кредиттнень реструктуризацияснон программась, кона арьсеф сисем кизонди, башка региоттненди – 12 кизос. Васенце кафта кизотнень кармайхть работама льготнай условиятне: региоттненди ули кода эрь кизоня паннемс шумоть аньцек вете процентонзон. Тя максы Российскяй Федерациянь субъекттненди возможность аньцек маластонь кафта кизотнень нолдамс 428 миллард цалковай и прважамс синь социально-экономическяй задачатнень решандаманкса, задачатнень, конат сотфт од рабочай вастонь панчсемать, граждаттнень эряфснон цебярьгофнеманц мархта. Учендови, што программась примави маластонь пингть. Владимир Путин макссь поручения правительствати октябрь ковть аделавомс лац-ряц арьсемс-ваномс
программать и етафтомс эрявикс работа кажнай регионть мархта. Пуроптф бюджетнай кредиттнень реструктуризацияснон программать эса Россиянь субъекттнень участвондаманкса условиятнень колга тячи корхтафоль Москуса Правительственнай комиссиять заседанияса.
Правительственнай комиссиять составса работась максси возможность региоттненди азонкшнемс эсь мяльснон-арьсемаснон и примсемс участия Россиянь Президентть и Правительствать мархта примсеви документтнень анокламаса. Владимир Волков примась активнай участия комиссиять работаса, а стане жа сувафтсь несколька предложения Мордовия Республикать эзда комиссиянь заседаниять итоговай документозонза.
Мордовия Республикань Оцюнять пресс-службац