Мордовиянь Оцюнясь Владимир Волков примась участия «Единая Россия» партиять XVII съездсонза

Мордовиянь Оцюнясь Владимир Волков примась участия «Единая Россия» партиять XVII съездсонза

Мордовиянь Оцюнясь Владимир Волков 23 декабрьста Москуса примась участия «Единая Россия» партиять XVII съездсонза, конанди главнай темакс арасть 2018 кизоня Россиянь Президентть кочкаманза.

Съезду пуромкшнесь 2500 малава ломань, етксост – 455 делегат партиянь 85 региональнай отделениятнень эзда, министерствань и ведомствань вятихть, Государственнай Думань депутатт, исполнительнай и законодательнай властень предстваительхть, «Единай Россиянь» региональнай политсоветтнень секретарьсна, экспертнай и научнай сообществань представительхть.

Съездть рамкаса етасть дискуссионнай площадкат, конатнень эса тифтольхть итогт кизонь работати.

Съездть пленарнай заседаниясонза примась участия странань Президентсь Владимир Путин. Сон китькстазе, што «Единай Россиясь» сатозе лидерствать эсь цебярь тевонзон вельде, конат водендафт ломаттнень интересснон аралакшнеманкса. «Россиянь народсь, минь сембе марса етаме касондомань-вииякшнемань оцю ки. Ашеме тушенда шири инголенк путфть эзда, достойнайста отвечсеме стакатнень-сталмотнень каршес. Улеме марса, мзярда ащеме международнай терроризмать каршес, аралакшнесь аф зависимостть, Россиять самостоятельностенц, няфнеме марстонши, решандакшнемок Крымть и Севастопольть судьбаснон. Минь сяськоськ арьсемас коре аф сяськови сталмотнень экономикаса, демографияса, социальнай сфераса. Обеспечендаськ Россиять безопасностенц кемокснеманц. Минь няфтеськ, што машттама касондомань-вииякшнемань задачатнень решандакшнемост. Оцю инфраструктурнай проекттне и оцю

стройкатне, од предприятиятне и передовой отраслятне – тя минь марстонь работаньконь результатонза», - мярьгсь Президентсь.

Государствань вятись тердезе властень партиять лац шарьхкотькшнемс странать инголе ащи прябалатнень и машфнемс сембонь сянь, мезсь шоряй вииякшнемати.

«Единай Россиять» съездоц фкя мяльса кирдезе Владимир Путинонь РФ-нь Президентть должностьс кандидатокс лихтеманц ширенц.

Мордовиянь Оцюнясь Владимир Волков, кона сувси «Единая Россия» партиять Высшай советозонза, корхтамок съезть колга, китькстазе примаф решениять эрявиксшинц.

«Сембода главнай заявлениясь, кона кайгсь тяса, - тя «Единая Россия» партиять мархта государствань вятить, кона пачфтсь мартонь кочкаматнень эса эсь кандидатуранц лихтеманц колга, ширенц кирдемац. Кода отмечазе партиянь председательсь Дмитрий Анатольевич Медведев, кандидатть, конань ширенц кирнесы сембе народсь, аш кода лихтемс аньцек фкя партиять эзда, сяс «Единай Россиясь» лувозе правильнайкс Президентть эсь прянь лихтеманц коряс решениянц», - отмечазе Владимир Волков.

Республикань Оцюнясь китькстазе стане жа решениять, конань коряс партиянь члеттне и сторонникне мобилизовандавихть Владимир Путинонь РФ-нь Президентть кочкамаса ширенц кирдеманкса. Кда корхтамс Мордовиять колга – сон аф весть ни кемокснезе партиять и Президентть ширеснон кирнеманц.

«Минь фалу няфнеме консолидированнай вайгялень максома. Правильнай очкаманьконь эзда 2018 кизоня ащи республикать сяда товолдонь касондомац-вииякшнемац», - мярьгсь Владимир Волков.

Съездса азфтольхть ширетне, конатненди маластонь кизотнень кармай шарфневома башка мяль. Васендакиге, тя вииякшнемась экономикса и социальнай сфераса.

«Китькстафтольхть сатфксне велень хозяйстваса, вагоностроенияса, фармацевтикаса – синь, кепотьксонди, активнайста виияфневихть Мордовияса. Лама корхтафоль од ломаттнень, демографическяй политикать колга, мезть эзда ламода ащи минь сай пингоньке», - отмечазе Владимир Волков.

Мордовиянь Оцюнять валонзон коряс, республикань руководствась маластонь пингть башка мяль кармай шарфневома избирательхнень наказснон пяшкотькшнемаснонды. «Вете кизонди действиянь программаньке пцтай педа-пес ащи избирательхнень наказснон эзда. Минь фалу оцю ответственностень марязь малаткшнеме тя работати, и минь избирателеньке тонадсть ни, што синь обращениясна арсихть нежекс республикать вииякшнемань программанцты. Минь сяда товга карматама тяфта тиендема», - китькстазе Владимир Волков.

Мордовия Республикань Оцюнять пресс-службац