Мордовиянь Оцюнясь Владимир Волков 27 декабрьста примась участия РФ-нь Государственнай советть заседанияса, кона етась Кремляса Россиянь Президентть Владимир Путинонь председательстванц ала. Корхтамась мольфтевсь региоттнень эса инвестиционнай политикать колга.
Президентсь китькстазе: инвестициятнень касфнемасна – тя экономическяй касондомать основац, од рабочай вастонь панчсемась, зарплататнень и граждаттнень доходснон касфнемасна, мезсь лихневи васенце вастти. Тяда башка, инвестициянь объемтнень касфнемасна максси возможность касфнемс ресурснень здравоохранениять, образованиять, социальнай сферать виияфнеманкса, аф фкя лацонь проекттнень и программатнень эряфс етафнеманкса.
Государствань вятись отмечазе, што эряви сяда тов цебярьгофнемс нормативно-правовой базать, кона водендаф предпринимательхнень эрь шинь работаснон теждялгофнеманкса, и тердезень Федерациянь субъекттнень сяда лац работамс бизнесонь вятеманкса условиятнень цебярьгофнеманкса.
Заседаниянь участникне азозь эсь предложенияснон территориятнень инвестиционнай привлекательностьснон касфнеманц коряс.
Азсаськ, 2016 кизонкса инвестиционнай климатть состояниянц коряс Национальнай рейтингса Мордовиясь занязе 18 вастть РФ-нь субъекттнень еткста. Мекольдень вете кизотнень республикаса эряфс етафтф 50 лама оцю инвестиционнай проект экономикань пцтай сембе отраслятнень эса.
Мордовия Республикань Оцюнять пресс-службац