Мордовиянь Оцюнясь Владимир Волков: «РМ Рейл» холдинкть предприятиянза 2017 кизоня должетт работамс сембе вийса»

Мордовиянь Оцюнясь Владимир Волков етафтсь рабочай васедема «РМ Рейл» компаниять генеральнай директоронц Павел Овчинниковонь мархта. Корхтамась мольфтевсь холдинкть предприятиянзон 2016 кизоня работань итокснон, а стане жа надиямань максси платтнень квалма.

Павел Овчинников пачфтезе республикань Оцюняти, што 2016 кизоня вагононь производствань объемтне кассть 55 процентта, крупнай вагоннай литьянь производствась кассь колмонь-крда. Республикать ширде лезксть вельде удалась петемс тефнень зароботнай платать паннеманц мархта, ванфтомс инь васенце профессиональнай компетенциятнень. Диверсификациянь оцю программась, эряфс етафнеманц конань Мордовия Республикань Правительствать ширень кирдеманц вельде компаниясь ушедозе 2014-2015 кизотнень, васенцеда макссь няеви результатт. Кепотьксонди, «ВКМ-Сталь» ООО-сь  келептезе крупнай, средняй и емла литьянь номенклатурать 30-ста сявомок  450-ти молемс и тячи лувондови нефтехимическяй, велень хозяйствань и автомобильнай отраслянь ведущай федеральнай предприятиянь васенце поставщикокс.

Компаниясь кемокстазе международнай рынкаса эсь вастонц: ваготтне и комплектующайхне пачфневсть Ирану и Кубав, виияфневсь Балтиянь и Казахстанонь предприятиятнень мархта сотрудничествась.

2017 кизоня компаниясь поладсы вагононь инновационнай моделень анокламать и арьсекшни касфтомс подвижной составонь производствань объемтнень средняйста 25-30 процентта, а стане жа кармай кирдемонза производствань диверсификацияти курсть.

Мордовиянь Оцюнясь китькстазе холдинкть предприятиянзон сяда товолдонь вииякшнемаснон эрявиксшинц. «РМ Рейл» заводть стабильнай работац эрявикс и Рузаевкати, и целайнек республикати. Эряви тиемс сембось, штоба 2017 кизонявок сатневольхть цебярь полафткст, штоба предприятиятне работальхть сембе вийса, штоба касондоль заработнай платась, панчсевольхть од работама вастт», - отмечазе Владимир Волков.

Мордовия Республикань Оцюнять Пресс-службац