8 июньцта Республикань Кудса видеоконференцсвязень режимса етась Мордовиянь Оцюнять Владимир Волковонь рабочай совещанияц, коса корхтафоль республикать территорияса Radisson гостиничнай группать работанц колга. Мероприятияса азфоль, што кемокстаф соглашения Саранскяйса 2020 кизоня Radisson лем ала гостиничнай комплексть панжеманц колга. Корхтамась мольфтеви отелень ребрендингть квалма, кона кармай тяфтама адресс коре: Советскяй ульцясь, 54 кудсь. Гостиницась строяфоль 2018 кизонь футболть коряс миронь чемпионатти, тяда ингольдень лемоц - Four Points by Sheraton, «5 тяштть».
Васедемаса примась участия Россияса, СНГ-са и Балтиянь странатнень эса Radisson Hotel Group группать вице-президентоц Дэвид Дженкинс.
Мордовиянь Оцюнясь, видеоконференциянь участникнень приветствондамста китькстазе, што миронь чемпионатта меле Мордовияв сашенды туристтнень лувкссна касонды. «Чемпионатти анокламста Саранскяйсь ламода одкстоптозе инфраструктуранц. Строяфоль од аэропорт, виясь услугань сферась, тяконь лувксса гостиничнай бизнессь. Гостиничнай бизнеса передовой мировой опыт мархта компаниять региону самац – эрявикс аськолкс инжиень примамань индустриять виияфнемаса. Минь надиятама лама пингонь цебярь сотрудничендамас. Кеман, што Radisson Hotel Group компаниясь максы оцю стандарт республикань гостиничнай индустрияти», - мярьгсь Владимир Волков.
«Минь марятама оцю гордость, месс эвондай гостиницаньке Россияса. Тяни, Саранскяйса соглашениять кемокстаманц вельде, минь улихть 40 гостиницаньке Россияса, и минь нинге сядонга пяк кемокстаськ вастоньконь кода регионца инь цебярь гостиничнай группась «, - мярьгсь Дэвид Дженкинс.
Васедемаса примасть участия МР-нь спортонь, од ломанень политикань и туризмань министрсь Александр Савилов, «СЗ «Корпорация Кошелев» ООО-ть генеральнай директороц, Saransk Congress Hotel гостиницать генеральнай директороц Алексей Стешин.
Справка: Саранскяйса Radisson отельсь – цебярь васта деловой ломаттнень и туристтнень примаманкса: эсонза 137 номер, кизонь веранда мархта ресторан, лобби-бар, бассейна и сауна мархта фитнесс-центра. Отельть марстонь площадец 700 квадратнай метра.
Мордовия Республикань Оцюнять пресс-службац