Мордовиянь Оцюнясь Владимир Волков ванозень кремниень карбидть синтезонц коряс проектть эряфс етафнеманц мархта сотф кизефкснень

Мордовиянь Оцюнясь Владимир Волков 14 мартста васетькшнесь Н.П.Огаревонь лемса МГУ-нь ученайхнень мархта, конат работайхть кремниень карбидть монокристаллонзон синтезснон коряс проектть лангса.

Лятфтасаськ, проектть стратегическяй значенияц силовой электроникать и радиоэлектроникать виияфнеманкса. Мордовияса сонь эряфс етафнеманкса ладяф целай научно-производственнай цепочка, коза, университетта башка, сувсихть «Электровыпрямитель» заводсь и республиканскяй технопарксь.

«Синтез и обработка монокристаллов карбида кремния» университетскяй научно-исследовательскяй лабораториянь сотрудникне азозь республикань Оцюняти, што лац шумордавсь работать очередной этапоц. Васедемать пингста корхтафоль проектть сяда тов эряфс етафнеманц мархта сотф кизефкснень коряс.

Корхтамаса участия примасть Мордовиянь Государственнай Собраниять Председателец Владимир Чибиркин, Правительствать Председателенц заместителец – Мордовия Республикань промышленностень, наукань и од технологиянь министрсь Александр Седов, Н.П.Огаревонь лемса МГУ-ть ректороц Сергей Вдовин.

Мордовия Республикань Оцюнять Пресс-службац