16 октябрьста Москуса Мордовиянь Оцюнясь Владимир Волков етафтсь несколька важнай рабочай васедема, конатнень пингста ванфтольхть республикать социально-экономическяй касондоманц-вииякшнеманц мархта сотф кизефксне.
Российскяй Федерациянь промышленностень и торговлянь министрть Денис Мантуровонь мархта васедемаса корхтафоль республикаса эряфс етафневи несколька оцю производственнай и научнай проекттнень ширеснон кирдемаснон колга.
Корхтамать ушедомста Владимир Волков пачфтсь Денис Мантуровонди сянь квалма, кодама сатфкст удулась сатомс тядде промышленностьса. Промышленнай производствань индекссь январьста-августста арась 112,1 процент (12 вастсь Россияса, 1 – ПФО-са), тяконь лувксса обрабатывающай производстватнень эса – 113,4 процент. Тя пингста промышленнай предприятиятнень мархта нолдаф 45,7 миллиард цалковаень питнеса продукция, мезсь 119,4 процентта сяда лама 2016 кизонь январть-сентябрть коряс.
Инновационнай продукциять пяльксоц 2017 кизонь январьста-августста кассь мелянь кизоть коряс 10 процентта, трудть производительностенц касомац арась 119 процент.
Промышленнай комплексть работань результатонза получасть оцю оценка отраслевой министрть эзда.
Стане жа корхтамать пингста Владимир Волков пачфтезе Минпромторгонь вятити, што Рузаевка ошти максф опережающай развитиянь территориянь статуссь. «Рузаевкаса ТОСЭР-ть пуроптомац лезды водендамс тяза
инвесторхнень, панжемс од рабочай вастт – 1350-ть малава, виияфтомс емла и средняй предпринимательствать, касфтомс налоговай базать», - азозе Мордовиянь Оцюнясь.
Башка мяль васедемаса шарфтфоль научно-производственнай сфераса инвестиционнай проекттнень ширеснон кирдемаснонды, конат пяк эрявикст республикати. Тяфта, корхтафоль странаса фотоникать виияфнеманц коряс фкя инь эрявикс проектть – волоконнай оптикань Инжиниринговай центрать (ИЦВО)колга, кона арси межрегиональнай технологическяй платформакс специальнай волоконнай световоттнень анокламанкса и производстванкса, а меле синь видесост приборхнень и систематнень анокламанкса.. Сявондемок мяльс Мордовия Республикати и Российскяй Федерацияса фотоникать виияфнеманкса ИЦВО-ть панжеманц коряс проектть оцю значениянц, корхтафоль сянь колга, штоба финансировандамс проектть аделаманц приоритетнай государственнай программать рамкаса. Сатф договоренносттнень мяльса кирдезь 2019 кизонь омбоце кварталти проектсь педа-пес кармай етафтф эряфс, и ушедови гражданскяй и военнай назначениянь специальнай оптическяй волокнань од типнень нолдемасна.
Стане жа корхтафоль республикаса оптическяй волокнать производстванц коряс проектть эряфс етафтоманц колга. 2015 кизонь июньцта Саранскяйса тевс нолдафоль импортнай заготовкатнень эзда телекоммуникационнай оптическяй волокнать вытяжканц коряс ОВС-нь заводть васенце пусковой комплексоц. Тяниень пингть предприятияса нолневи оптическяй волокна, заводсь лиссь стабильнай операционнай показательхненди. Пцтай сембе нолдаф продукциясь моли экспортонди, тяконь лувксса Таможеннай Союзонь странатненди.
Васедемать пингста Владимир Волков и Денис Мантуров састь фкя мяльс – максомс государственнай лезкс проектт омбоце этапонц эряфс етафтоманкса.
Стане жа васедемаса корхтафоль «Биохимик» ПАО-ть виияфнеманц колга. Владимир Волков азондсь лекарствань мокшэрзянь производительхнень сатфксснон колга. Тяддень кизонда заводса нолдафоль «Ванкомицин» антибиотиконь васенце отечественнай субстанциясь. 2017 кизоть аделавомс ушедови гликопептидонь группань васенце ниле нтибиотикнень субстанцияснон производствасна, сяда тов ладяви мекольце поколениянь антибиотикнень синтезснон технологияц – сембоц 20 лама антибиотик, ламошкасна конатнень аф нолневихть Российскяй Федерацияса и пачфневихть омба масторста.
Республикань Оцюнясь китькстазе од проекттнень эряфс етафтомаснон значениянц регионть экономиканц виияфнеманкса и од рабочай васттнень панчсеманкса.
- - -
Тяка шиня Владимир Волков етафтсь рабочай васедема промышленностть виияфнемань Фондть директоронц Роман Петруцень мархта, конань пингста корхтафоль промышленностьса Мордовия Республикань инвестиционнай проекттнень эряфс етафнемасост марстонь работать колга. Корхтамась мольфтевсь Фондть мархта «Биохимик» ПАО-са од поколениянь антибиотикнень нолнемаснон коряс производствать и оптическяй волокнань заводть проектонзон ширеснон кирдемаснон колга.
Региононь вятить пингста кемокстафоль соглашения Российскяй Федерациянь промышленностть виияфнемань Фондть и Мордовиянь промышленностть виияфнемань Фондть еткса региональнай проекттнень ширеснон кирнеманц коряс. Башка корхтафоль «Лисма» ОАО-ть и «Промметизделие» краснослободскяй предприятиять модернизацияснон коряс проекттнень колга.
Мордовия Республикань Оцюнять пресс-службац