Мордовия Республикань образованиянь министрсь Елена Солдатова пачфтсь пожархнень, пожарса пелькс ситуациятнень и лия чрезвычайнай ситуациятнень аф нолдаманкса дополнительнай мератнень колга. Сон азозе, што объекттнень 100 процентсна обеспечендафт автоматическяй пожарнай сигнализацияса, но тя оборудованиять пяльксоц эряви полафтомс. Тядде образованиянь 9 объекттнень эса, конат подведомственнайхть МР-нь Образованиянь министерствати, афсатыкснень петеманкса нолдафт 13 миллион цалковаень лувксса дополнительнай средстват.
Министрсь азозе, што тонафнемань од кизоть ушедомда инголе противопожарнай аралафшинь системась ванфоль-проверяфоль всероссийскяй учениятнень мяльса кирдезь. Мордовиянь Оцюнясь макссь поручения примамс дополнительнай мерат. «Ётафтода сембе школатнень эса информационнай работа — сянь колга, кода пяшкотькшнемс противопожарнай безопасностень мератнень, кода вятемс прять ЧС-нень пингста». Тяда башка, Мордовиянь Оцюнясь корхтась сянь колга, што эряви виияфтомс школьникнень ёткса ки лангонь движениянь безопасностень правилатненди тонафнемать коряс профилактическяй работать, а муниципальнай власттненди макссь поручения тиемс аф пелькс дорожнай инфраструктура школатнень и тонафнемань лия учреждениятнень маласа.
Мордовия Республикань Оцюнять пресс-службац