Мордовияса особай экономическяй зонань тиемась мольфтеви 2022-2026 кизотнень Мордовиять социально-экономическяй виияфнемань программать мяльса кирдезь, конань кемокстазе РФ-нь Правительствась Россиянь Президентть поручениянц коряс. Мордовиянь Оцюнясь эрь кизонь Посланиянц эса путсь задача ётафтомс подготовительнай сембе работатнень и водендакшнемс инвесторхт ОЭЗ-ть территорияс.
ОЭЗ-сь муй васта аф аньцек Саранскяйса, но и Лямбирскяй районца. Сембе территориясонза кармай улема налоговай лама преференцияда бизнести.
Кода азозе Мордовиянь Оцюняти «УК ОЭЗ «Мордовия» и «УК Индустриальными парками Республики Мордовия» организациятнень генеральнай директорсна Павел Рыков, особай экономическяй зонать тиеманц коряс Мордовиять заявкац ётась ни кой-кодама процедурат федеральнай министерстватнень эса, тяни сон ащи соглосованиянь мекольце этапса. Тячиень шити кочкафт 5 резидентт — тя «АФК Системать» кафта проектонза и тястоконь резиденттнень колма проектсна. Проектти инвестициятнень марстонь объёмсна пцтай 12 миллиард цалковай, панчфоль 1200 рабочай васта.
Артём Здунов ванозень ОЭЗ-ть площадканзон, корхнесь предприятиянь руководствать мархта планцнон колга. ОЭЗ-ть основной резидентоц мзярс - «Лисфармстекло» ООО-сь, сон кармай ноляма медицинскяй клянцек.
Стане жа Мордовиянь Оцюняти няфтезь территориятнень, коса мольфтеви строительства, и шава площадкатнень, коса арьсекшневи строительства од резиденттненди.
Мордовиянь Оцюнясь китькстазе: эряви касфтомс ётафневи сембе работатнень интенсивностьснон, штоба маласькофтомс резиденттнень работаснон ушедоманц.
Мордовия Республикань Оцюнять пресс-службац