«Мордовия» хоккейнай клубсь сяськозе «Тамбовть» ВХЛ-нь первенствань бронзовай медальхнень инкса матчса. Спортсменоньке васенце минутаста ни няфтезь эсь пряснон, башка Игорь Чуканов. Омбоце периодть пингста цебярь ширде эсь прянц няфтезе Максим Ахметзянов, но тамбовчяттне отвечасть Пуксонь бросоконц мархта. Перерывс командатне тусть минь пользазонк 3:1 счетса. Колмоце периодса командатне полафтсть шайбаса, итоговай счетсь 4:2 «Мордовиять» пользас.
Матчса ульсь Мордовиянь Оцюнять тевонзон тиендисна Владимир Волков. Налхкомать шумордамда меле сон васетькшнесь хоккеисттнень мархта и поздравляндазень синь сяськомать и ВХЛ-нь первенствань бронзовай медальхнень сявомаснон мархта.