Мордовиянь Правительствать заседанияса, кона ульсь 14 майста, корхтамась мольфтевсь республикань населеннай пункттнень 2018 кизонь тундань-кизонь пожарса пелькс пингти анокламаснон колга.
Кода пачфтезе Мордовия Республикать эзга Россиянь МЧС-ть территориальнай органонц вятиенц заместителец Владимир Стуков, чрезвычайнай ситуациятнень аф нолдаманкса эряфс етафневи лама пожарно-профилактическяй мероприятия.
Тяконь лувксса, муниципальнай райононь и Саранск ошень округонь администрациянь оцюнятнень адресс кучфт объекттнень и населеннай пункттнень араламанкса пяшкодеманди мерат.
Сянкса, штоба персемс кить карьхчнень, коське тишеть плхтамаснонды и тол маронь тиендемати, республикать территорияса работайхть 240 патрульно-маневреннай группа.
Тянь мархта ряцок, тячиень шити ульсь ни коське тишень плхтамань 526 случай, мезсь 2,3-крда сяда лама мелянь кизоть коряс. Тя арась туфталкс 9 пожархненди.
Аф мялень петихть тефне Ковылкинскяй районца (44 случай), Большеберезниковскяй районца (52 случай), Лямбирскяй районца (63 случай), Ромодановскяй районца (37 случай), Чамзинскяй районца (45 случай) и Саранск ошень округса (54 случай).
Пожарнай безопасностень вешфкснень колсеманкса административнай ответственностьс таргафт 70 ломанць.
16 майста сявомок аф мярьгондеви крьвяснемс тол мархт, плхнемс коське тишеть, етафнемс пожарса пелькс работат. Виияфтф профилактическяй работась.
Заседанияса, конань етафтозе Мордовия Республикань Правительствать Председателец Владимир Сушков, ванфтольхть и лия кизефкст.
Мордовия Республикань Правительствать пресс-службац