Мордовиянь Правительствать заседанияса 15 майста ванфоль аварийнай жилищнай фондста граждаттнень етафтомаснон коряс региональнай адреснай программать эряфс етафнемац Саранск ошень округса, Рузаевка, Краснослободск, Торбеева, Темников ошень поселениятнень и Ромоданова велень поселениять эса.
Тя кизефксть коряс информация мархта выступандась МР-нь ЖКХ-нь и населениять гражданскяй араламанц министрсь Алексей Тюркин.
«Переселение граждан из аварийного жилищного фонда в Республике Мордовия» программать 2013-2017 кизотненди эряфс етафнемац шумордама лангса. 2016-2017 кизонь этапть рамкаса строяф лама квартираса 54 кудть эзда 42-сь нолдафт тевс, эзост сувасть эряйхне.
12 кудть строямасна мольфтеви сяда тов. Эздост нилетнень эса: Темниковскяй райононь Андреевка велеса кафттнень и Краснослободск ошса кафттнень эса, аделсевихть отделочнай работатне, мольфтеви тевс сувафтоманксост документациять анокламац.
Лама квартираса кафкса кудсь: ниле Саранскяйса и тифтень Торбееваса, Рузаевкаса, Краснослободскяйса и Ромодановаса, стане жа шумордама лангсот.
Аварийнай жилищнай фондста граждаттнень етафтомаснон коряс мероприятиятнень эряфс етафнемаснон шумордаманкса мекольце пингсь – 2017 кизонь 1 сентябрсь.
Программать пяшкотькшнеманц коряс тефне мольфтевихть аф кальдявста, но улихть и кой-кодама прябалат. Фкясь эздост – объекттнень эса кржа работайда, и тевснон синь тиендьсазь фкя сменаса. Тя кизефкссь решандама маластонь пингть.
- Мордовиясь – аварийнай эряма вастста граждаттнень етафнемаснон коряс странаса инголе молихнень еткса, - мярьгсь Мордовия Республикань Правительствать Председателец Владимир Сушков. – Но, аф ваномок тянь лангс, работатне тянь коряс вишкопнемат.
Тяфтама задача путни республикань вятись Владимир Дмитриевич Волков.
Мордовия Республикань Правительствать Пресс-службац