Корхтамась мольсь «2-й пусковой комплекс» проектть эряфс ётафтоманц колга пяшксе циклань оптическяй волокнань производствать тиеманц потмоса. Омбоце пусковой комплексонь заводтть оптическяй волокнань нолдамать коряс, конац ладяф оптоволокнань таргай эсь заготовкань (преформань) тиемать лангс, строямац Саранскяйса путф планц 2024-2026 кизотненди. Объектть проектированияц тяниень пингть моли эсь пингстонза графикть коряс.
Республикань Оцюнясь китькстазе, што проектть касфтомац-виияфтомац кочкаф кинь картать потмоса странати пяк эряви стратегическяй ширде – тя лезды валхтомс импортнай поставкатнень эзда зависимостть, максы эсь питнень валхтома и АО «Оптиковолоконные системы» заводтть паршиензон конкурентоспособностьснон касфтомаснон. Од заводсь арай «Система» од экономикань зонати пяльксокс. Тяниень пингть объектсь ащи проектированиянь этапса.
Тяфта жа Василий Осьмаков и Артём Здунов корхтасть РМ-нь промышленностень касфтомань–виияфтомань Фондть докапитализациянц и промышленностень сфераса ФРП МР-нь субъектненди субсидиянь максомать колга. Кафта кизоста промышленностень касфтомань–виияфтомань Фондтнень линияснон эзга 18 инвестпроект получась финансирования 3,6 млрд цалковай ярмак лангс. Тя кизоть арьсеви кафтомс кирдемань объемть 5,5 млрд цалковайти.
Мордовия Республикань Оцюнять пресс-службац