Кельгома выпускникт!
Шумордама лангса эряфонтень важнай пяльксоц – школань кизотне. Тя пингть тинь получседе од самошит, виияфнесть эсь лацонь маштомошинтень. Сембе ня кизотнень тинь путнеде кеме ушеткс эсь цебярь сай пингонтенди, анокладе аськолдамс оцю эряфти.
Эрьсь еткстонт кочказе ни сай пингонди профессиять, сяда товолонди тонафнема вастть. И мон верондан, што тинь обязательна мутада эряфса цебярь ки, получатада тяниень пингонь, качественнай образования, кона лезды теенть мумс эряфса вастонтень.
Мордовиянь вуснень эса ули кода получамс техническяй, естественнонаучнай, инженернай профилень образования. Специальносттнень еткса улихть и стамот, конатнень лаца аш странань лия высшай тонафнемань заведениятнень эса. Шарфтода лангозост мяль тяда инголе, кода примамс мекольце решениять, коза максомс каготтнень.
Кельгома ялгат! Тинь шумордасасть школать и аськолдатада оцю эряфти республикати и странати пяк стака пингста. Минь содасаськ, што и тиньге, и родителентель мялентель отмечамс тонафнемань кизоть шумордаманц кода фалу – торжественнай обстановкаса. Но тячиень ситуациясь аф максси тиемс тянь, сяс школьнай мекольце звоноксь цинняй теенть онлайн режимса. Значенияц тянкса аф киренди. Кеман, мекольдень ковонь событиятне и дистанционнайста тонафнемась макссть туфтал нинге весть шарьхкодемс, кодама питнихть теенть мархтонт фкя класса тонафнихне, учительхне, родной школась. Верондада, минь шарьхкотькшнесаськ тинь мялентень-арьсемантень, вдь кажнайсь еткстонк тячемс мяляфтсыне школаса тонафнемань кизонзон.
Кельгома выпускникт! Мялезе, штоба тинь содалесть, што аф ваномок тячиень сталмотнень лангс, республикань руководствась фалу макссесь и кармай макссема теенть лезкс, тиендемс содафокс асу од ломаттнень проектснон. Вдь достойнай сай пинге тяниень Россияти вийс коре обеспечендамс аньцек тевонь, честень и долгонь ломаттненди.
Уледа ина, аф ваномок мезеньге лангс, сатфксонь сатникс!
Именна тейнек мархтонт тиема сембось, штоба родной Мордовияньке араль инголи моликс, странань фкя инь вии регионкс. И тя, кеман, - вийс коре тейнек!
Мордовия Республикань Оцюнясь В.Д.Волков