Мордовияса тя проектть омбоце образовательнай программац ни — февральста Национальнай театральнай школань васенце сезононь выпускникокс арась республикань культурань и искусствань 50 менеджерсь.
10 сентябрьста театраса образовательнай программань выпускникненди дипломонь максома сашендсть
Мордовиянь Оцюнясь Артём Здунов и Александринскяй театрать директороц Сергей Емельянов.
«Тейнек пяк важна, што минь работатама марса Аликсандринскяй театрать мархта, - мярьгсь Артём Здунов. - Тяфтама образовательнай программатне пяк мялень салайхть и кандыхть польза артисттненди. Карматама сяда товга сотрудничендама. Россиянь Минкультть и Культурнай инициативань Президентскяй фондть ширень кирдемаснон пингста минь ётафтоме эряфс лама проект и карматама молема аньцек инголи».
«Мордовиясь арась васенце регионкс Александринкать творческяй од сезонцонза, коса минь ётафтоме тонафнемань кафта сменат, - отмечазе Сергей Емельянов. - Ламода тя республикань инициативнай театральнай сообществать заслугац. Спасибан Мордовиянь Оцюняти Артём Алексеевиченди и сонь команданцты культурать и искусствать ширеснон кирнеманкса — тя пяк питни. Карматама савор малаткшнема Мордовияса Александринскяй театрань шитнень ётафтомаснонды».
Мордовия Республикань Оцюнять пресс-службац