Генеральнай консулти поздравления кучсь и республикань Оцюнясь Артём Здунов. Эсонза, тяконь лувксса, корхтави: «Китайскяй Народнай Республикась — Мордовиять кунардонь ялгац и деловой партнёронзон ёткста фкясь. Республикать марстонь внешнеторговай оборотонц пцтай ветецекс пяльксонц тиендьсы Китайть мархта мишендемась.
Минь активнайста сотрудничендатама китайскяй провинциятнень мархта «Волга-Янцзы» форматса. Китайскяй коллегатне лезнесть Мордовияти пандемиять пингста. Ведущай промышленнай предприятияньконь - «Биохимик» фармацевтическяй флагманоньконь, кабелень, оптиковолоконнай, светотехническяй продукциянь производительхнень, бизнесменоньконь — Китайть мархта ладяфт кеме соткссна. Тяддень январьста минь марса ялганьконь, господинть Генеральнай консулть мархта панжеськ Саранскяйса Российско-Китайскяй Ялгаксшинь Обществать мордовскяй региональнай отделениянц. Кизонда Государственнай музыкальнай театраньконь балетнай труппац ульсь гастрольса Китайса — Поднебеснаень ваныхне няезь «Лебединое озеро» и «Жизель» постановканьконь. Надиян, што ялгаксшинь сотксне Мордовиять и Китайть ёткса ванфтовихть сяда товга и лездыхть виияфнемс целайнек российско-китайскяй марстонь тевонь вятемать.
Мордовия Республикань Оцюнять пресс-службац