14 ноябрьста Мордовияса од шачихнень лувксснон касфтоманц и населениять репродуктивнай шумбрашинц колга заботендамать коряс программать квалма республикань Оцюнясь Артём Здунов видеосвязень форматса корхтась РФ-нь Общественнай платань Демографиять, семьять, шабатнень и традиционнай семейнай питнишитнень коряс члеттнень, Россиянь Минздравонь репродуктивнай шумбрашить коряс главнай специалистть Олег Аполихинонь мархта, кона вятьсы Н.А.Лопаткинонь лемса урологиянь НИИ-ть. Олег Аполихин азондсь ни региоттнень опытснон колга. Тяфта, 2011 кизоста сявомок Сахалинскяй областьса эряфс ётафневи марстонь комплекснай проект — эзонза сувафневихть сембе эрявикс мератне, конат водендафт демографическяй ситуациять цебярьгофнеманкса, од семьятнень ширеснон кирдеманкса.
Артём Здунов азозе, што Мордовияти улель кода арамс регионкс, коса тевс сувафтоволь тяфтама жа комплекснай программа.
«Странаса эряфс ётафневи лама проектт тя ширеть коряс, но сембе синь фрагментарные. Задачать решандаманцты тейнек эряви маладомс комплекснайста», - китькстазе Олег Аполихин.
Азсаськ, што тячиень шити, статистикать коряс, эрь ветеце ломанть улихть прябаланза репродуктивнай шумбрашить мархта. Мордовиясьнинге 2008 кизоня арась шабатнень и подросткатнень репродуктивнай шумбрашинц ванфтоманц коряс технологиятнень тевс сувафнемаснон коряс кинь тапайкс — панчфоль «Алянь шумбраши» центра.
«Тейнек эряви поладомс тя тевти оцю компаниятнень и предприятиятнень, - мярьгсь Артём Здунов. - Тячи Мордовияса аф сатнихть трудоспособнай ломаттне — аньцек инвестпроектоньконь эряфс ётафтоманкса эряви пцтай 12 тёжянь ломань».
Мордовиянь Оцюнясь спасибась Олег Аполихинонди сотрудничендаманкса, китькстамок, што марстонь проектсь должен ушедомс работама сай кизоня.
Рабочай группати сувасть вице-премьерхне Галина Лотванова и Наталья Таркаева, Саранскяй и Мордовскяй митрополитсь Зиновий, МР-нь Оцюнять советникоц Елена Семелева.
Мордовия Республикань Оцюнять пресс-службац