Мордовия Республикась получай федеральнай быджетста дополнительнай финансирования 32 школьнай автобусонь и скорай помощень 12 машинань рамаманкса. Тянь коряс распоряжениятнень кемокстазень Россиянь Правительствать Председателец Д.А.Медведев, синь тяштьфт ведомствать официальнай сайтсонза.
Россиянь Минпромторгти максови 900 миллион цалковай школьнай автобусонь рамаманкса. Федерациянь 30 субъекттненди пачфтевихть 633 школьнай автобуст, эздост 513 автобуссь 10-12 вастонди, 111 автобуссь 22-24 вастонди и 9 автобуссь 30 вастонди. Синь арайхть полатксокс ся автобусненди, конат максфтольхть республикати Правительствать 2016 кизонь 17 августста распоряжениянц коряс.
Стане жа Россиянь Минпромторгти дополнительна максови 1 миллиард цалковай скорай медицинскяй лезксонь автомобилень рамаманкса. Федерациянь 44 субъктсь получайхть скорай помощень 477 машина сятненди, конат пачфтьфтольхть Правительствать 2016 кизонь 10 августста и 14 сентябрьста распоряжениянц коряс.