Мордовия Республикась — Российскяй агропромышленнай выставкать традиционнай участникоц. Тядде республикась аноклась козя экспозиция мархта стенд, кона кочкась пяк лама ваныда. Мордовиять стендонц лангса няфтьф 13 ведущай предприятиять продукцияц, башка экспозиция лемтьф фермерскяй направленияти.
Аграриеньконь трудсна отмечафоль 25 зрнянь медальса. Казнет получасть «ЛВЗ «Саранский» ООО-сь, «Сармич» ООО-сь, «Сыродельный комбинат «Ичалковский» ООО-сь, «Птицефабрика «Атемарская» АО-сь, «МПК «Атяшевский» ООО-сь, «ТКМ» ООО-сь, «Агропромсервис» ООО-сь.
Тяда башка, велень территориятнень петемаснон-мазоптомаснон коряс инь цебярь проектонь конкурсса сяськикс арась Теньгушевскяй велень поселениясь. «Современный облик сельских территорий» федеральнай проектонь велень территориятнень комплекснайста виияфнемаснон коряс проекттнень ёткса сяськикс арась Атяшевскяй велень агломерациясь (Атяшева ошень поселениясь). Сяськихне получасть диплопт и зрнянь медальхть.
Стане жа получасть казнет: «МордовияГосПлем» АО-сь — товарнай и племенной животноводстваса оцю показателень сатоманкса диплом и зрнянь медаль, Артём Сергеевич Петров, агростартап (Иван-чай) — сиянь медаль, Наталья Васильевна Филина, агростартап (вешенка панкт) — бронзань медаль, «Подворье» кооперативсь — бронзань медаль.