Пленарнай заседаниять пингста етась «Здравоохрание» национальнай проектть потмоса шумбрашинь ванфтомань первичнай звенань модернизациянь программать вятеманц сатфксонзон коряс региононь награждениясь. Мордовиясь сувась кемонь инь цебярьхнень ёткс. Татьяна Голиковань кядьста наградать получандазе РМ-нь здравоохранениянь Министрсь Олег Маркин.
«Мекольце кизотнень федеральнай центрать оцю кирдеманц мархта лама ульсь тиф, штоба республикань эряйхне няельхть цебярь медицинскяй обслуживания. Сюкпря Президентти мяленкса сяда тов вятемс шумбрашинь ванфтомань первичнай звенань программать – аф коласаськ мяленттень!» - мярьгсь Мордовиянь Оцюнясь Артём Здунов.
Китькстасаськ, што Мордовиясь примась эряз участия Шумбрашинь шить ётафтомаса. Кепотьксоньди, Республика Мордовиянь стендть ваныензонды ульсь макс возможность ётамс комплекснай диагностическяй обследования и получандамс отметка шумбрашинь состоянияснон колга. Результатнень коряс кажнайть ульсь возможностец получандамс врач-терапевтть консультациянц индивидуальнай рекомендациянь максома мархта. Тяда башка, кинь ульсь мялец, сятнень тонафнезь васенце медицинскяй лездомать основанзонды. Тяфта жа инжихненди ульсть няфтьфт эрь кодама материалхть шумбра эряфонь вятемать колга.