Енисейскяй Сибирень Касомань-вииямань Корпорациясь- тя Красноярскяй крайса специализированнай организация инвестициянь вешемать и инвесторхнень мархта покодемать коряс. Сонь функционалоц сувафни эсь эзонза «Енисейская Сибирь» Комплекснай инвестиционнай проектть эряфс ётафтоманц – тя Красноярскяй крайть, Республика Хакасиять, Республика Тывать пространственнай касфтоманц-виияфтоманц механизмац. Тяниень пингть КИП-сь сувафни эсь эзонза 40 инвестиционнай проект марстонь азф инвестиционнай питнеса 3,1 трлн цалковайда лама 2019-2030 пингть потмоса.
«Васьфтемань пингть полафтоме опытса и содаме лама одта - коллегатнень инвесторхнень мархта покодемаснон эса интереснай подходстна. Тяфтама методтне могут улемс эрявикст и минь республиканекондинге», - китькстазе Мордовия Республикань Правительствать Председателенц полафтыец Батыр Эмеев.
Тяфта жа Батыр Эмеевич и МР-нь вирень, охотниконь хозяйствань и и природопользованиянь министрсь Адель Галиуллин ульсть СФУ-нь гастрономиянь Институтса. Тя васенцесь и инь цебярь гастровузсь Россияса, конац арась кота народётконь Поля Бокюзань институтнень ёткса фкакс.
«Мордовиянь Оцюнять Артём Алексеевич Здуновонь поручениянц коряс корхтаме Мордовияса гастровузонь филиалть панжемань возможность колга. Арьсетяма тиемс минь студентоньконди сембе эрявикс условиятнень, штоба теест улель кода сявомс образования рестораннай бизнесонь сембе сфератнень эса (маркетингса, логистикаса, финансыса, управление персоналть мархта управленияса и сяда тов) апак тук регионцта», - китькстазе Батыр Эмеев.
МР-нь пресс-центрась