Мордовиянь Оцюнясь китькстазе, што машиностроительнай комплекссь — отчественнай и республиканскяй индустриять ключевой звеноц. «Тейнек башка важна вагоно- и сельхозмашиностроениять, оптоволоконнай, кабельнай и светотехническяй производстватнень, силовой полупроводниковай приборонь производствать конкуренциянь кирнемасна, - мярьгсь Артём Здунов. - Минь касфнесаськ инвестиционнай потенциалоньконь, производственнай программаньконь. Но ломаттне предприятиятнень эса ингольцекс аф сатнихть, сяс минь мольфттяма корхтама Промышленностень и торговлянь, Просвещениянь министерстватнень мархта кадратнень эсь пингстонза анокламаснон колга».
Стане жа Мордовиянь Оцюнясь лятфтазень Россиянь Президентть Владимир Путинонь валонзон, што «экономикась должен улемс оцю зарплатань экономикакс».
Регионть машиностроительнай комплексонцты инь оцю путксоц «Рузхиммашть», конань производствань объёмоц 8 ковонь итокнень коряс арась 30 миллиардта лама цалковай, касомась — 110 процентта лама. Целайнек отрасляса касомась арась 104 процент. Республикань Оцюнясь башка отмечазень «Эпромет», «Электровыпрямитель» предприятиятнень, «Цветлит» кабельнай заводть.
«Сембода главнайсь, што минь ётнетяма технологическяй од базас, няевиста касфтоськ гособоронзаказть. Тейнек важна мишендемань од рынкатнень занцемасна», - мярьгсь Артём Здунов.
Башка мяль — 25 оцю инвестпроекттнень эряфс ётафтомаснонды.
«Машиностроителень шись — минь марстонь иланьке», - китькстазе Мордовиянь Оцюнясь. Сон спасибась отраслянь представительхненди седикс-ваймокс покодеманкса.
Стане жа Артём Здунов азсь спасибамань валхт Россиянь Промышленностень и торговлянь министерствати регионть ширенц кирдеманкса.
Торжественнай пуромксса примась участия РФ-нь промышленностень и торговлянь министрть заместителец Альберт Каримов, кона стане жа азсь машиностроительхнень лемс лямбе валхт.
Республикань машиностроительхнень поздравляндазь МР-нь Госсобраниять Председателенц заместителец Сергей Вдовин и вице-премьерсь Батыр Эмеев.
Машиностроительнай комплексонь инь цебярь работникненди максфтольхть государственнай казнет.
Мордовия Республикань Оцюнять пресс-службац