Азфоль, што республикась сувси ся региоттнень лувксс, коса ванфневи межнациональнай сотксонь сфераса, но сембе сяка важна поладомс и виияфтомс терроризмать и экстремизмать инголдаманкса работать.
Мордовиянь Оцюнясь китькстазе: «Миньцонк виияфневи тянь коряс законодательнай базась, кона тиф Государственнай национальнай политикань стратегиять, целайнек федеральнай законодательствать мяльса кирдезь».
Региононь руководительс путсь задача - межнациональнай и межконфессиональнай средаса деструктивнай проявлениятнень профилактикаснон коряс работати водендакшнемс общественнай организациятнень, духовенствать, водендамс эксперттнень, политолокннеь и правоохранительнай и силовой структурань представительхнень, общественнай мнениянь лидерхнень.
«Башка мяль эряви шарфтомс инфраструктурать, тяконь лувксса аэропорттнень, вокзалхнень антитеррористическяй аралафшиснон виияфтоманкса. Эряви тиендемс семботь безопасностть обеспечендаманкса», - мярьгсь МР-нь АТК-ть председателец.
Заседанияса кулхцонтфтольхть МР-нь культурань, национальнай политикань и архивнай тевонь министрть заместителенц Альберт Сявкаевонь, МР-нь образованиянь министрть Елена Солдатовать, МР-нь Од ломаттнень тевснон коряс Госкомитетть председателенц Анастасия Гришнёвать докладсна.
Дополнительнай профилактическяй мератнень колга корхтамаса примасть участия Саранскяй и
Мордовскяй митрополитсь Зиновий, Мордовия Республикань мусульматтнень Духовнай управленияснон муфтиец Раиль Асаинов и Мордовия Республикать эзга Россиянь мусульматтнень Центральнай духовнай управленияснон полномочнай представителец Рафаэль Манюров.
Мордовия Республикань Оцюнять пресс-службац