Морёнай шуфтсь – фкя инь питнии шуфтсь, конац лама пинге кожфтома ащесь ведть потмоса. Тя шуфтста паршинь тиемась аф тёждя – эряви маштомс сонь косьфтамс, ванфтомс. Нормативно-техническяй вешфкснень аф улемаснон сюнеда морёнай шуфтть добуваманцты и эздонза паршиень тиемась шорясь тя отраслять касоманцты-виияманцты. Од ГОСТ-сь келеми субфоссильнай шуфтста паршиень тиемс, документса няфтьфт башка вешфксне материалти, шуфтть косьфтаманцты, паковандаманцты и морёнай тумоть маркировканцты, стане жа траснспортировкань правилатненди и ванфтоманцты. Кемокстаф стандартсь путсыне эрявикс техническяй вешфкснень, стане жа арай нежетьксокс лия нормативнай документтнень тиемаса «равжа алмазть» вешемаса и мархтонза покодемати.
«Кафта кизоста марстонь покодеманьконь результатоц. Тя эряви и тиити, и рамайти, максси гарантия качествати и сырьять безопаснайшинцты, - азозе Мордовиянь Оцюнясь Артём Здунов эсь телеграмм-каналсонза. – Морёнай тумось – Мордовиять визитнай карточкац, кунардонь промыслась, конань минь одкстоптоськ. Мордовиянь ляйхнень эса сонь объёмоц сатни 4 млн кубометра. Виияфтсаськ региональнай брендтнень – пяшкодьсаськ Президентоньконь поручениянц!» Тяшкстасаськ, ётай кизоть Роспатентсь регистрировандазе «Мордовский мореный дуб» географическяй лемонц. «Заготовки из субфоссильной древесины дуба (мореного дуба)» стандартсь ётафтови эряфс 2024 кизонь 1 апрельста, апробациянь пингсь кармай молема 2025 кизонь 31 майти.
Мордовия Республикань Оцюнять пресс-службац