3-4 февральста «Молодежный» Бизнес-инкубаторса етафтфоль образовательнай программа Мордовия Республикань государственнай властень исполнительнай органонь вятихненди.
Программаса примасть участия Мордовиянь Правительствать Председателец , минстронь марнек кабинетсь, а стане жа лия ведомствань вятихне и развитиянь Корпорациянь представительхне.
«Управление проектами в органах власти: базовые знания» лем ала образовательнай программать вятезе РАНХ-нь и ГС-нь проектнай менеджментонь научно-образовательнай центрать директоронц заместителец Наталья Сергеевна Гаркуша.
Россиянь Правителстваса проектнай управлениять тевс сувафнемац ушетфоль 2016 кизоня. Пуроптфоль Российскяй Федерациянь Президентть видеса стратегическяй развитиять и приоритетнай проекттнень коряс Совет и Советть Президиумоц. Колма ковста панчфтольхть РФ-нь Правительствать проектнай деятельностень Департаментоц и проектнай менеджментонь Научно-образовательнай центрась, а стане жа аноклафтольхть проектнай деятельностть колга положения и методическяй рекомендацият.
Проектнай управлениять тевс сувафтоманц инь васенце целенза тяфтамот:
- исполнительнай властень оргаттнень мархта арьсеф результаттнень сатомаснон обеспечендамасна;
- результаттнень сатнемань пингть кирьфтамац;
- тевс нолневи ресурснень эффективностьснон касфнемац;
- исполнительнай властень органть эса примави решениять прозрачностец и обоснованностец;
- внутриведомственнай, межведомственнай и межуровневай взаимодействиять эффективностенц касфнемац, а стане жа подряднай организациятнень мархта взаимодействиясь.
Тонафнемать рамкаса ванфтольхть государственнай управленияти проектнай подхотть сувафнеманц мархта сотф кизефксне. Корхтамась мольфтевсь властень оргаттнень эса проектнай деятельностть тевс сувафнеманц, проектнай управлениять виияфнеманц и стандартизациянц колга.
Семинаронь участникне содафтсть властень оргаттнень эса проектнай управлениять тевс сувафнеманц коряс инь цебярь региональнай и международнай опытть мархта. А стане жа примасть участия команднай практикумса и «Проектный комитет» деловой налхкомаса. Сембоц образовательнай программаса примась участия 32 ломань.
Маластонь пингть сави етафтомс проектнай управленияс государственнай программатнень, сувафтомс проектнай управлениять властень региональнай оргаттненди. Тяфта, коль сяда лама государственнай служащай кармай сувсема федеральнай, ведомственнай и региональнай уровенень проектнай командатненди.