Росатомть композитнай дивизионоц занцесы васенце вастть Россияса и сувси углероднай волокноть производстванц коряс кемонь мировой лидерхнень ёткс, максси инжиниринговай лезкс партнёрхненди, занци пря научно-исследовательскяй тевса.
Васедемаса корхтамась мольфтевсь Мордовияса композитнай материалонь центрать виияфнеманц колга.
«Площадкась пяк перспективнай, арьсекшнетяма виияфнемс сонь, тяконь лувксса республиканскяй образовательнай учреждениятнень, Технопаркть мархта коллобарацияса. Тядде минь аноклакшнектяма ни и пачфнесаськ клиентоньконди уникальнай изделиятнень — кепотьксонди, конструкционнай композитнай материалхнень, конат эрявихть пешеходнай и автомобильнай сеттнень строяманкса», - азозе региононь оцюняти генеральнай директорть заместителец — капитальнай строительствать коряс директорсь Денис Максимов. Эряви азомс, што ламоц высокотехнологичнай продукциясь, конань нолясы компаниясь.
Артём Здунов макссь поручения Мордовиянь Правительствать Председателенц заместителенцты Батыр Эмеевонди, кона ульсь васедемаса, марса региональнай кабминонь промышленнай блокть мархта арьсемс рекспубликаса инвесторть планонзон практическяйста эряфс ётафтомаснон коряс.
Мордовия Республикань Оцюнять пресс-службац