Проектоньконь презентациянц мархта выступандась МР-нь региональнай сервиснай уполномоченнайсь Елена Семелева. Проектсь ащи колма блокста. Васенцесь — идень садса 3-6 кизоса стирнятненди и цёранятненди налхксемань модульсь, коса шабатне варчсесазь эсь лангсост родителень рольть. Омбоце блокть арьсеф гинекологть подросткатнень мархта ужяльдезь корхнемац. Колмоце блоксь — тя «Подросткатнень мархта корхнеманди вастонь» анокламась торговай центратнень эса, коса эрь недяляня шабатнень мархта ётафневихть тематическяй мероприятият. Аноклаф региональнай команднай решениясь сувафневи ни тевс республикаса.
АСИ-ть акселераторонцты итогонь тиемаса ульсь Мордовиянь Оцюнясь Артём Здунов. Сон китькстазе, што няфтьф сембе решениятне важнайхть ломаттненди. «Лама од мялень салай мяль-арьсема мархта мон мрдан меки Мордовияв, штоба сувафнемс тянь сембонь тевс республикасонк, - мярьгсь сон. - Монь пяк тусь мялезон онкосярядихнень вятемаснон коряс родной Дагестантть проектоц. Тя эряфонь ситуациясь пяк стрессовай. Но тяни медицинась аськолдась инголи, урмась пчкафневи. Аньцек эряви эсь пингстонза улемс ломс ломанть мархта, теенза лац содама, коза пшкядема. Главнайсь — аф лядондомс ськамонза и аф кярьмотькшнемс эсь прянь пчкафнемати. Пара, мес Мордовиять проектоц занязе колмоце вастть, карматама работама сяда тов».
АСИ-ть акселераторонц работаса примась участия «Защитники Отечества» фондть руководителец Анна Цивилева. Мордовиянь Оцюнясь Артём Здунов спасибась теенза ширень кирдеманкса, конань фондсь макссесы СВО-нь участникненди и синь семьяснонды.
Мордовия Республикань Оцюнять пресс-службац