«Эряви васетькшнемс сяда сиденяста! - мярьгсь Артём Здунов. - Кда ули мяленте и кизефксонте — ули кода пуроптомс васедема Москуса Мордовия Республикать сембе пингонь представительствасонза».
Артём Здунов мярьгсь, што фалу эряви кирнемс соткст эсь регионцень мархта.
Азондозе, кода сонць мрдась ёмла Родиназонза.
Тяниень пингть Мордовиять вии промышленнай и инновационнай потенциалоц, активнайста виияфневи IT-секторсь, од специалисттненди макссеви цебярь зарплата, социальнай пакет, дополнительнай стипендият. Работай наставничествань системась. Тяка пингть предприятиятнень эса аф сатнихть кадратне. Республиканскяй Правительствать инголе путф задача сярьгятькшнемс вузонь выпускникнень.
Мордовия Республикань Оцюнять пресс-службац