Рузаевкаса Альберт Каримов ванозень «Рузхиммаш» АО-ть производственнай площадканзон, содафтсь грузовой подвижной составть кочкаманц мархта и ульсь Огарёвонь лемса МГУ-ть мархта марстонь проектть - «Профессионалитетть» учебнай корпусонц.
Тяниень пингть «Рузхиммашсь» ноляй вагононь 100-да лама модель. Альберт Каримовонди няфтезь алюминиевай сплавста уникальнай вагонть, сжиженнай природнай газть пачфнеманкса и ванфтоманкса контейнерть-цистернать и криогеннай жидкостень пачфнеманкса вагононь-рефрижераторонь и контейнеронь-цистернань перспективнай модельхнень.
Стане жа Россиянь промышленностень и торговлянь министрть заместителец ульсь «Электровыпрямитель» заводса, кона тиенди и ноляй силовой полупроводниковай приборхт и оборудования.
Марса Мордовиянь Оцюнять Артём Здуновонь мархта Альберт Каримов ванозе «Промтрактор» производственнай площадкать, коса нолявихть ЧЕТРА бренд ала погрузчикт (тяконь лувксса, 1600 килограмма сталмонь кеподи отечественнай фкя и тяка ёмла погрузчиксь). Эсь продукциянц компаниясь пачфнесы аф аньцек Россиянь региоттненди, но и Казахстану, Арменияв и Узбекистану.
«Промтрактор» АО-ть директороц Сергей Исаев азондсь ноляви ёмла погрузчикнень лувксснон касфтоманц колга. Тяни предприятияса работай 200 лама ломань. Кой-кона специальносттнень коряс кадратне аф сатнихть.
Мордовия Республикань Оцюнять пресс-службац