Фкя инь эрявикс стройкакс Мордовиять столицаса лувови – автомобильнай кись Строительнай ульцяса, конань кувалмоц 5,8 вайгяльбе машина кить и Инсар ляйть вельхкска путепровод мархта. Виталий Савельев макссь оцю оценка мольфтеви тефненди: работатне объектса вятевихть шиньберьф, тяниень пингть тяса покоди 150 ломань, тевс нолдаф сембе эрявикс техникась
«Федеральнай центрась кармай лездома тя проектть эряфс нолдаманкса, - китькстазе министрсь. – Вановихть кизефксне строительтвань срокнень кирьфтамаснон колга. Тяфтама объекттнень оцю питнишисна эряйхненди. Содаса, тинь тисасть сонь максф плантть коряс, няйса, тевсь тяса лаказь-лакай».
«Тейнек тя проектсь пяк питни – сон сотни аф фкя ошень микрорайон, тяконь лувксса эряви и промышленнай сферати, сявсыне эсь лангозонза оцю сталмотнень центральнай магистральхнень лангста. Сюконятама ширеньконь кирдеманкса странань Президентти и Россиянь транспортонь Министерставти, - китькстазе Артём Здунов.
Стане жа ванфоль седсь-путепроводсь Коммунистическяй ульцяса Инсар ляйть вельхкска, кона лувондови культурнай наследиянь объектокс. Тя фкя инь эрявикс транспортнай артериясь автотранспортонь вии движения мархта, кона сотсыне северо-восточнай и центральнай ошень пялькснень.
Стане жа Россиянь Минтрансть вятиец ванозе пропусконь воздушнай пунктть Саранскяень аэропортса государственнай границать пачк, тяса ётай кизонь декабрьста шумордафтольхть тефне объектть техническяй валдоптоманц коряс. Межведомственнай комиссиясь ётафтозе сембе вешфкснень коряс Саранскяень пропусконь воздушнай пунктть. Сон анок примамс международнай рейснень. Пропускной способностсь - 140 пассажир части, ладяф паспортнай контролень 7 кабина.
Рабочай васедемать пингста Мордовиянь Оцюнясь и транспортонь Министрсь корхтасть регионца кинь отраслять касфтоманц-виияфтоманц колга. Корхтамась стане жа мольфтевсь Саранскяень подвижной составть одкстоптоманц колга. Россиянь Минтранссь мялень шарфтозь ФНБ-нь средстватнень лангс 2024 кизоня арьсекшневи максомс региону ёмла классонь низкополнай ниле автобус. Республикась тись-аноклась транспортть касоманц-виияфтоманц коряс региональнай стратегия. Эрявикс документонь пакеттне максыхть Мордовияти подвижной составонь поставкати механизмань компенсация мархта 60 % питнеса лизинговай договорхнень коряс транспортнай средства.
Артём Здунов и Виталий Савельев стане жа примасть участия Мордовиянь транспортть и кинь хозяйствать коряс Государственнай комитетть итоговай коллегиясонза. Панжемок мероприятиять, РФ-нь Минтрансть вятиец китькстазе: кинь инфраструктурать качестванц касомаса регионца - фкя инь эряви приоритетсь Россиянь траснпортнай системать касомаса-вииямаса. Странать кинь хозяйстваса 2023 кизоня сатфт рекорднай показательхне строямать и ремонтть коряс – 31 тёжяньда лама вайгяльбень автомобильнай ки.
«Мордовия Республикаса 2024 кизоть ушетксста сюконямок федеральнай поддержкати мекольце ниле кизотнень удалась ламода касфтомс региональнай китнень нормаснон – 28 % сявомок 46% молемс. Саранскяень агломерацияса китнень лувкссна кассь сядонга пяк – 45 % сявомок 83% молемс, - азозе сон. – Нормативнай пяльксть азф планоц 2024 кизоть пенцты - 51 % лама региональнай и 85 % Саранскяень агломерациян китнень. Содаса, динамикать касоманц коряс максф показательхнень «Безопасные качественные дороги» нацпроеккть мяльса кирдезь Мордовия Республикаса сатовихть».
Регионца стаки мольфтевихть эрявикс проекттнень эряфс нолдамасна, конат сотфт вятиец лятфтазе, што 2024-2026 кизоня Мордовиянь кинь деятельностть кирдеманкса федеральнай бюджетста арьсекшневи нолдамс 12,4 милиард цалковай.
Республикать территориянц пачка ётни «Урал» М-5 федеральнай трассась. Штоба цебярьгофтомс соткснень региононь территориятнень ёткса и лихтемс транзитнай транспортть, строяви М-5 кинь од участка шаромок несколька населённай пункт 57 вайгяльбень кувалмоса. Шумордамс работатнень арьсекшневи 2025 кизоня.
«Китькстаса, што марстонь работати федеральнай органонь власттнень и Мордовия Республикань Правительствать тифт сембе условиятне транспортнай сферать сяда товолдонь касфтоманцты-виияфтоманцты, - азозе Министрсь.
«Тяниень пингонь транспортнай инфраструктурань тиемась – фкя инь эрявикс стратегическяй задачась, конань путозе транспортнай комплексть инголе Российскяй Федерациянь Президентсь Владимир Владимирович Путин, - китькстазе Артём Здунов региональнай Госкомтрансонь коллегиять пингста. – Мордовиянь кинь фондть объемоц 2023 кизоня пуроптсь 13 миллиардта лама цалковай – пцтай кафта пяледа лама сяда лама колма кизода инголеннеть коряс. Цебярь динамикась макссь тейнек поладомс нолдамс эряфс оцюдонга-оцю капиталоёмкай объектт, строямс и петемс кизос пцтай 360 вайгяльбе автомобильнай ки. Транспортонь Министерствати и Росавтодорти сюконятама лезксонь максоманкса. Кинь фондть инкса мекольдень кизотнень пякстаме лама прябалада, сядонга пяк кармаме ванома китнень мельге ёмла населеннай пунктса, МКД-нь маластонь территориянзон лангс и социальнай инфраструктурань объекттнень лангс. Башка азан дорожнай безопасностть колга – тя эрявикс кизефкссь. 2023 кизонь итокнень коряс, ладяфоль порядка камератнень мархта, китне тифт соответствиятнень коряс, удалась кирьфтамс 17 % дорожно-транспорнай происшествиятне».
Регионти сави поладомс профилактическяй работась. Ётай кизоть республикаса тиф порядка фотовидеофиксациять сфераса – ламонь крда касфтовсть комплекснень лувкссна, сяс мес инь эрявикссь – ломаттнень безопаснайшисна китнень лангса, кирьфтаф токафнень и шавфнень лувкссна ДТП-са.
Отмечафоль, ётай кизоть ладяфоль аэропортть работац – рейсонь расписаниясь, панчфт од направленият и нолдафт регулярнай перелётт «Саранск-Москва» маршрутть коряс. Тядде тя работась поладови. Артём Здунов китькстазе: транспортнай инфраструктурась – тя республикань экономикать сисетмообразуюшай составляющаец, сон кемоста сотф инвестклиматть мархта.
Республикаса тяни мольфтеви работа кафта оцю проект лангса, конат шарфтыхть оцю мяль республикать социально-экономическяй касоманц-виияманц лангс – тя автомобильнай кить строямац «с. Старый город – д. Вещерка» Мордовиянь Темниковскяй районца и Нижегородскяй областень Вознесенскяй районца и «Саранск-Рузаевка» трассать реконструкцияц.
Эрвикс задачатнень ёткс Артём Здунов сувафтозень стане жа транспотнай предприятиянь подвижной составть парконц одкстоптоманц лангс, мероприятиянь ётафтомась машина кинь объектонь транспортнай безопасностть коряс, нолдамс эксплуатацияс пропусконь международнай пункттнень и Саранскяйста международнай авиасообщениянь панжемась.
Коллегиять мольфтеманц пингста Артём Здунов и Виталий Савельев казезь государственнай наградаса ся покодихнень, конатнень оцю путкссна Россиять и Мордовиять транспортнай отраслянь касфтомаса-виияфтомаса.
Мордовия Республикань Оцюнять пресс-службац