Храмсь марнек строяф благотворительхнень ярмакснон лангс. Храмть финансированияса примасть участия Мордовиянь руководствась, предпринимательхне, Москуса Мордовскяй землячествать представителенза.
Храмсь строяф Москуса православнай храмонь строямань Программать мяльса кирдезь мордовскяй землячествать ширень кирдеманц пингста. Помещениясь арьсеф 500 ломаненди. Москувонь и сембе Русень Святейшай Патриархть Кириллонь благославиндаманц коряс храмть строяманц мельге ванць Саранскяй и Мордовскяй митрополитсь Зиновий. Строямац шумордафоль 2021 кизоть песта.
Храмть алу кочкаф историческяй васта: лама веконьберьф Ростокиноть эзга мольсть молитвенникне Троице-Сергиева лаврав. Тяса, од храмть маласа, ушеткшнесь обительти кись.
Вярьце храмса ащихть кафта престолхт: центральнайсь — Кириллонь и Мефодиень лемс; види ширденнесь — священномученикть Владимир Амбарцумовонь лемс; кержи ширденнесь — Божий Матерть «Скоропослушница» шкаень ликонянц лемс.
Цокольнай этажса благовернайхнень князть Петр и княгинять Феврониять Муромскяйхнень лемс храмсь.
Иконостассь и потмоширде храмсь тиф Щигры ошень Свято-Троицкяй братствань мастерхнень мархта.
Паркса Ростокинскяй акведукть ваксса Мефодиень и Кириллонь храмснон ваксса панчф «Плечом к плечу» памятник, кона лемдевсь Ростокинскяй райононь народнай ополчениянь 13-це Московскяй стрелковай дивизияти.
Мордовия Республикань Оцюнять пресс-службац