Москуса Владимир Волков васетькшнесь Игорь Левитинонь и Виталий Мутконь мархта

Москуса Владимир Волков васетькшнесь Игорь Левитинонь и Виталий Мутконь мархта

2 октябрьста Мордовиянь Оцюнясь етафтсь Москуса несколька рабочай васедема РФ-нь Президентть Администрацияса и Правительстваса.

Россиянь Президентть помощниконц, РФ-нь Государственнай Советть секретаренц Игорь Левитинонь мархта Владимир Волков корхтась Саранскяйса 2018 кизонь футболть коряс миронь чемпионатть етафтоманц колга. Аф кунара Мордовияса улемстонза Игорь Левитин ванозень

мундиалень основной объекттнень – «Мордовия Арена» стадионть и аэропортовай комплексть, мезьда меле шназе анокламань тефнень мольфтемаснон. «Чемпионатти Саранскяйть анокламац аф эвондафни пелемат, Строямась мольфтеви лац и эсь пингстонза, сембось кармай анок эсь пингстонза», - китькстазе Игорь Левитин.

РФ-нь Президентть помощниконц мархта васедемаса башка мяль шарфтфоль мундиальти транспортнай инфраструктурать анокламанцты.

Тяка шиня РФ-нь Правительствать Кудса ульсь Владимир Волковонь и Виталий Мутконь рабочай васедемасна. Корхтамась стане жа мольфтевсь 2018 кизонь футболть коряс миронь чемпионатти анокламать колга, а стане жа Мордовияса физкультурать и спортть сяда товолдонь виияфнемаснон квалма.

Мордовия Республикань Оцюнять пресс-службац