МР-нь Оцюнясь Владимир Волков ётафтсь рабочай васедема Мордовиять эзда сенаторть, Международнай тефнень коряс Федерациянь Советонь комитетть председателенц васенце заместителенц Сергей Кисляконь мархта.
Рабочай васедемать пингста корхтамась мольфтевсь республикать социально-экономическяй ширде виияфнемань программатнень финансированияснон колга. Стане жа корхтафоль мировой футбольнай первенствань матчненди Мордовиять анокламанц колга.
Лятфтасаськ, сенаторсь сась республиказонк 2018 кизонь футболть коряс Миронь чемпионатти анокламать коряс Федерациянь Советонь Временнай комиссиять лувксса. Сергей Кисляк азондсь республикань Оцюняти Саранскяйса чемпионатонь объекттнень ваномаснон эзда эсь мялензон-арьсеманзон колга, макссь оцю оценка малаткшни турнирти Мордовиять анокламанцты.
Стане жа васедемаса корхтафоль социальнай ширде эрявикс региональнай проекттнень эряфс ётафтомаснон колга. «Строительнай сферать виияфнемац и од семьятнень эряма вастса обеспечендамасна, мезть лангс башка мяль шарфни Правительствась и законодательнай оргаттне, фалу кармайхть ащема тейне васенце вастса»,—китькстазе Сергей Кисляк.
Владимир Волков азондсь сенаторти ся ширетнень колга, конатнень виияфнемаснон лангс Мордовияса кармай шарфневома башка мяль маластонь кизотнень. Фкя инь васенцекс азфоль избирательхнень наказснон коряс работась.
Рабочай васедемаса примась участия Мордовиянь Правительствать Председателец Владимир Сушков.
Мордовия Республикань Оцюнять пресс-службац