Чайда симомста корхнесть, кода кунардонь содафт. Мордовиянь Оцюнясь макссь оцю питне картинати, конань казезе теенза од художницась: «Кизода кржа пинге занцят пря художественнай школаса? Дивандафты, пяк асуста тиф рисункась! Тееть обязательна эряви вииякшнемс тя ширеса». Аня азондсь сянь колга, кода эряй тяниень пингть сонь родной ошец — Рузаевкась. Тядяц кемокстазе — мекольдень кизотнень железнодорожниконь ошса виияфневихть общественнай васттне, стройсевихть од паркт, спортивнай площадкат. Аня кизефтсь — кодамот Мордовиянь Оцюнять мяленза-арьсеманза экологическяй инициативатнень коряс, корхтафтозь — кодама проектса ули кода примамс участия ветеце классонь активнай тонафнити, конань ули оцю мялец тиемс перьфпяльть сяда арукс и цебярькс. Корхтафоль Мордовияста шабатнень, конат сувафтовсть «Волшебные сказки о детях-героях» аф кунара нолдаф книгати, героень тевснон колга. Тя книгань фкя экземплярть Артём Здунов казезе Аняти.
Васедемать шумордамста стирнясь надияфтсь кучемс республикань Оцюняти фотографият «Остров Мечты» паркста. Сон ащи Москуса, ащи 9 ёфксонь мирста, 35 лама атракционцта. «Монь тяшкава оцю мялезе улемс тоса!» - виденцясь Аня.
Лятфтасаськ, «Мялень кузня» - тя эрь кизонь благотворительнай акция, конань пингста ломаттне, конатнень мяльсна тиемс цебярь тефт, казендихть казнет и пяшкотькшнесазь мяльснон сятнень, кинди эряви лезкс. Мордовиянь Оцюнясь Артём Здунов стане жа поладсь Од кизонь карша иттнень мяльснон пяшкотькшнемаснон коряс «Мечтай со мной» благотворительнай проектти.
Мордовия Республикань Оцюнять пресс-службац