Кеветие кизоса Василисась сашендсь Артём Здуновонь шири тядянц Елена Васильевнань мархта и – эсь оцю мяленц мархта! Василисась пяк кельгсы морсеманц. Якшама Атять кядьста сон анась музыкальнай колонка микрофон мархта.
Мордовиянь Оцюнясь максозе инжити казнеть кептерня фрукта мархта.
Артём Здуновонди стирнясь аноклась казне, конань тиезе эсь кядьсонза – акша нумолня лаца тиф сувенирнай сапонь. Елена Васильевна азозе, што «эсь лацонь шабатненди» Саранскяйса работай «Солнечный мир Мордовии» центра, кона пуроптф Джон Даунонь синдромонц мархта шабатнень ширеснон кирдеманкса. Артём Алексеевич получась тердема тя центрав.
Чайда симомста корхнефоль таколфтыть колга – кепотьксонди, Саранскяйса коррекционнай школать-интернатть строяманц шумордаманц квалма. Сембе тядятнень-алятнень эзда, конатнень шабасна сашендыхть тя учрежденияв, Елена Васильевна азсь надияма, што од зданиясь маластонь пингть панчсыне эсь кенкшензон. Стане жа Василисать тядяц эняльдсь благоустроендамс теериториять лама этажса кудть маласа, коса синь эряйхть. Артём Здунов надияфтсь лездомс.
Мордовия Республикань Оцюнять пресс-службац