Мероприятиясь арась васенцекснень эзда фкакс, конат ётафтовихть трудовой династиянь кизоть потмоса. Сон ётафтовсь республикань оцю промышленнай предприятияса – АО «РМ Рейл». Тяса покоди аф кържа покодиень династия – тя наставничествань институтть основац.
Экспертнай клубть проектоц лац няфтезе эсь прянц. Сонь покодеманцты кярьмодсь 40 наставник, ламонц участникненди макф покодемавастт или возможность ётамс производственнай практика Мордовиянь ведущай предприятиятнень и компаниятнень эса. Тя лезды теест мумс покодемаваста. «Наставничество» проектть важнай результатоц – Росмоложежень 2 сяськф грантт.
Республикать руководителец китькстазе: тяниень пингть регионца ётафтови целенаправленнай работа сембе сферань козякофтомати покодемань ресурснень вельде – Мордовиясь,кода и сембе странась, мушендсыне синь необходимостьснон.
«Тячи минь корхтатама сянь колга, кода покодтяма кадратнень мархта республикаса. Тя кизоть минь Президентоньке лемдезе семьянь кизокс. Минь приматама участия сембе мероприятиятнень и программатнень эса. Важнай сегментсь – семьянь династиятне,- китькстазе Артём Здунов. – «Наставничество» – проектсь, мзярда од ломаттнень эряви заинтересовандамс, воодушевляндамс профессиять мархта. Наставниксь макссесы од, аньцек ушеды покодема специалистти профессиять эзда панжематнень. Мон сембе наставниконень мяляфтсайне!»
Мордовиянь Оцюнянь китькстазе, што 2023 кизось, конац ётнесь педагогонди и наставниконди лездома эгидань ала, аделавсь республикаса эффективна. Мордовияса кярьмодсть кафта важнай программань тевс нолдамати: «Возвращение» региононь кадровай и стратегиянь программат, конац фарфни мяль республикань эряйхнень привлеченияснон лангс. Тя сембось лезды тиемс стабильнайкс покодемань ресурснень мархта тевть.
Н.П. Огарёвонь лемса МГУ-ть ректороц Дмитрий Глушко азондозе: университетсь кассы од ученаень показатель вельде, но наставничествань институтфтома марнек тиемс сон аф лиси. Вузть главнай задачац, - сувафтомс од кадратне наукать вельде педагогическяй тевти,марстопфтомс производственнай и научнай задачатнень. Сон китькстазе специалистонь анокламань, синь квалификацияснон касоманц, содамашиснон и опытснон максомаса предприятиятнень эрявиксшиснон. Васенце тевсь путомс региононь кадровай стратегиятнень - документсь улеза рабочай. Сон тяфта же китькстазе: Масторлангонь кадратнень эса Мордовиять ролец пяк оцю. Тяка пингть эряви ётафневсь покодема сятнень мархта, конат сашендыхть минь ширезнок, штоба лоиаттне лядондольхть тязк – мульхть покодема васта, кочкальхть семият.
Артём Здунов кирдезе ректорть: «Минь фалу карматама покодема ресурсонь поставщикокс эсь странанеконди».
Регионть предприятинза ётафтыхть лама тев наставничествань виияфтомати - ламоцне сувафтфт экспертнай клубть проектс. Кепотьксоньди эсь примеронц колга азондсь АО «Рузхиммаш»-ть оцюняц Валерий Ларин. Предприятияса покоди 282 наставник, лац ладяфт механизнатне, фалу мольфтеви од методонь вешема. Но сембода васенце тевсь од кадрань подготовкаса – тонадомась, тонафтомась и сопричастностень чуствась результатть лангс.
«Кода лац минь анокласайнек кадратнень, макстама знаният- сяшкава лац кармай касома минь предприятиянеке, республикась и странась», - китькстазе Валерий Ларин.
«Пяк марстонь подходсь, тяниеньшинь, эряз. Лия предприятиятненди эряви сявомс лангстонт пример. Поладсаськ тяфтама вииямать-касомать!» - мярьгсь Артём Здунов.
Трибушиттнень покодема династияснон историяснон колга азондсь АО «Рузхиммаш» центральнай лабораториянь мастерсь Оксана Владимировна. Династиясь ушедсь аляснон эзда, а тяниень пингть тяса покодихть сонь уноконза.
Проектть наставниконза и учениконза азондсть ётай сезононь тиф инициативатнень колга. Синь шарфнесть мяль эряфонь эрявикс сфератнень лангс: кода аф повомс мошенникнень кядь алу, МГУ им. Огарёвань иле странаста саф студеттненди кялень и культурань барьерть ётаманцты, пилотфтома лиендемань аппараттнень мархта покодемати, рузонь кяльть и литературать стака темаснон максомаснон эсь ровесникснонды спикерхнень-танофнихнень вельде, од медикнень профессияв сувафтомаснон. Синь сембе макссть цебярь результат, ламонцнень эзга покодемась кармай ётафтовома од сезонса.
«Моя Мордовия» экспертнай клубть руководителец Евгения Тулина китькстазе: «Наставничество» - клубть флагманскяй проектоц, сон эряй уже колма кизот. Сембе тя пингть сонь участниконза марясазь Оцюнять лездоманц». «Наставничество» проектть од сезоноц кармай шарфнемама мяль династиятнень лангс.
Мордовия Республикань Оцюнять пресс-службац.