Кельгома ялгат!
Седи ваксста поздравляндатядязь малаткшни Од кизоть мархта!
Эрьсь эздонк семьянь тя илать пяк учендсы. Сон пяшксе од надиямада, од сатфкста и сяськондемада.
2022 кизось тиендсь тейнек аф простой условият. Но мархтонт марса, кельгома ялгат, минь синь кирдеськ. Мордовиясь кизоть пенцты сась цебярь сатфкс мархта экономикаса, промышленностьса, велень хозяйстваса, предпринимательствань сфераса. Минь панчсеме идень од сатт, тяниень пингонь больницят, культурань кутт и спортивнай центрат, стройсеме эряма вастт, кит, петнеськ-мазопнеськ куд пирьфнень и общественнай васттнень. Минь од ломаненьке сувсесть российскяй проектонь и международнай научнай олимпиадань сяськихнень ёткс.
Малаткшни кизоня поладсаськ республиканьконь цебярьгофнеманц. Карматама кирнемонза асу од ломаттнень ширеснон, и тиендема условият эряфса вастснон муманкса. Лезнема и парста васьфнема мокшэрзянь масторса Россияти полатф од территориятнень эряйснон.
Сай кизось Мордовияса ётафтови народнай единствань знакть ала. И тя канневи аф аньцек культурнай сферати. Землякненди, конат ащихть передовойса, лезнемась — ащи тейнек васенце вастса. Минь ширень кирдеманьке теест пяк эряви. Русне, мокшэрзятне, татархне и лия национальностень представительхне, конат эряйхть Мордовияса, кода фкя, лезнихть воиноньконди, конат аралакшнесазь Родинать.
Главнай арьсемась Од кизонди: катк синь сяда куроконяста мрдайхть куду, эсь радня и мала ломаньцнонды. И, конешна, сяськома мархта!
Седи ваксста арьсян теенть кеме шумбраши и паваз. Катк 2023 кизоня мархтонт ряцок фалу аськоляйхть цебярь настроениясь, ули мир, кельгома и аньцек цебярь!
Од киза мархта!
Мордовия Республикань Оцюнясь А.Здунов