Мекольдень пингть лама корхтамада 4№ республиканскяй клиническяй больницянь медсестрать Е.А.Петровать социальнай сетьтнень вельде сообщениянц колга. Сон пачфтсь сянь квалма, што повсь эряфонь стака палас, а больницянь руководствась лядсь тянди озадонь седихть ащезь. Мордовиянь здравоохранениянь министрсь Олег Маркин вов мезе азсь тянь колга. «Ситуациясь афкукс пяк стака», - мярьгсь Олег Валентинович. – «Елена Александровна юмафтозе мала ломаненц, урмаясь марнек сонь семьяц. Сон совестьс коре пяшкотькшнезе эсь служебнай долгонц, и минь обязанностеньке лездомс теенза. Мордовиянь Оцюнясь Владимир Волков тячи макссь тейне поручения содамс семботь, кода, мезе лиссь, лична корхнемс Елена Александровнань мархта, максомс теенза сембе эрявикс лезксть. Мон корхнень ни мархтонза, анань прощения работай ялганзон инкса, кинь прянь вятемаснонды максови оценка. Марнек азфти тяни етафтови проверка, мезенкса пуроптф специальнай ведомственнай комиссия. Ответственнай лицатнень эрь валснонды и тевснонды максови оценка, тя нинге сяс, мес, кода тейне арась содафокс, тя случайсь аф фкя и тякось. Минь аф кадсаськ мялень шарфтомафтома мезтьке, тисаськ семботь, штоба фкявок ломанть аф кадомс ськамонза зиянть мархта».