«Кельгома землякт, тячи афкукс пяк валда, кеняртьфти ши, - пшкядсь ошеряйхненди республикань руководительсь. - Минь мархтонт семботь тиендьсаськ Шкаень лездомать вельде. Арьсеме тиемс парк — парксь эвондась. Саме мяльс, што паркть лемдьсаськ Донбассонь аралайхненди — тиеськ, путоме кев. Тяни эвондась часовня, коза кармайхть сашендома, озонкшнема. Часовнятне Русьса фалу стройсевсть шавф боецнень лемс и сятнень, кит тяни тюремань паксятнень лангсот. Арьсян, минь часовняньке кармай тяфтамокс. Няйса, тяза пуромсть од поколениянь представительхне, минь общественнай и религиознай организацияньке, ветераноньке. Мялезе азомс оцю спасиба сембонди, кие примась участия тя часовнять строямаса. Арьсян сембонди мир и сембе цебярть. Тяниень пингть мирсь сатневи пяк стакаста. И Россиясь — тя страна, кона обеспечендакшнесы планетать лангса мирть. Штоба минь боецоньке шарьхкотькшнелезь, што тюрихть аф стак. Штоба минь фалу мяляфтолеськ шавфнень. Поздравляндасайне сембонь тя шить мархта и лувондса, што минь тиенттяма оцю тефт нльне вов тяфтама аф оцю аськолксса.
Часовнять панжемста выступандась Саранскяй и Мордовскяй митрополитсь Зиновий, МР-ть эзга Россиянь УФСБ-нь ветеранонь Советть председателец Николай Сипягин. - Минь государстваньке сяда тов мольфтьсы тюремать, сяс пяк важна, штоба од поколениясь касфтоволь Отечествань аралайхнень кепотьксснон лангса».
Мордовия Республикань Оцюнять пресс-службац