Тя шиня Мордовияса лятфтафтольхть сят, кит максозь эсь эряфснон, аралакшнемок Отчизнать интересонзон. Сяськомань площадьса путфтольхть панчфт воиттненди-земляконьконди, конат шавовсть Великай Отечественнай войнаса, памятникти. Церемонияса примасть участия Мордовиянь Оцюнясь Артём Здунов, Правительствать Председателец Дмитрий Поздняков, МР-ть эзга главнай федеральнай инспекторсь Анатолий Гулин, МР-нь Оцюнять и МР-нь Правительствать Администрацияснон Руководителец Булат Хайрутдинов, Мордовиянь Госсобраниять Председателенц заместителец Сергей Вдовин и Саранск ошень оцюнясь Игорь Асабин.
Панчфт стане жа путсть боевой действиянь участникне, конат казьфт государственнай казнеса, и синь семьянь членцна, военнослужащайхне и правоохрантельнай органонь, религиознай конфессиянь, ветеранскяй и патриотическяй общественнай организациянь представительхне, кадеттне и юнармеецне.
Тюремань паксятнень лангса шавф геройхне лятфтафтольхть минута кашт аф молезь ащезь.
Мордовия Республикань Оцюнять пресс-службац